Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Nɨ nan mɨkarzimɨn ingari,
ezɨ nan mɨkarzim bar deragha igharagha gari.
Kamaghɨn kɨ nɨn ziam fe.
Bizir nɨ ingariziba, da bar dera,
ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.
O God, kɨ manmaghɨra nɨn nɨghnɨzibagh fofogham?
Nɨn nɨghnɨziba bar avɨrasemegha bar pɨn iti,
ezɨ kɨ dagh foghamin tuaviba puvatɨ.
Kɨ nɨn nɨghnɨziba mengtɨ,
dar megemem mangɨ ongarimɨn gigibagh afiragham.
Kɨ akuigha uam osezir dughiamɨn,
nɨ na ko ikiavɨra iti.
Kɨ kogha pɨn overiar nɨ uan dafarimɨn ingarizimɨn gara,
egha uaghan iakɨnim ko mɨkovezir uan danganir nɨ me arɨghɨzibar gari,
kɨ kamaghɨn nɨghnɨgha ghaze,
e gumazamiziba ti manmaghɨram amizir biziba, ezɨ nɨ mɨghɨgha e gɨnɨghnɨsi?
E pura biziba.
Manmaghɨram amizɨ, nɨ bar puvɨrama e gɨnɨghnɨsi?
Nɨ uabɨ en ingarigha, e isa uabɨn apengan e atɨ.
Nɨ gavgavim ko ziar ekiam isa e ganɨga e afazɨ,
bizir nɨ ingariziba bar en apengan iti.
A gumazamizir onganarazir nguazir mɨnemniabar tongɨn itiba, men akura.
A gumazamizir biziba puvatɨgha averenimɨn tongɨn itir kaba,
a iza me fe.
A gumazamizir kaba isa uan gumazamizibar gumazir dapaniba ko me atɨzɨ,
me me ko apiaghav iti.
Ezɨ Ikiavɨra Itir God a mɨgɨa ghaze, "Nɨ kamaghɨn nɨghnɨghan markɨ, an aghuir ruarim ko an ganganiba deraghtɨ, kɨ a ginabagham. Puvatɨ. Gumazir kam, atrivimɨn otivan kɨ aghua. Guizbangɨra, Ikiavɨra Itir God, gumaziba biziba tuisɨsi moghɨn, biziba tuisɨzir puvatɨ. Gumaziba uan damazibar inivafɨzibar gari. Ezɨ kɨ gumazibar nɨghnɨziba ko men ifongiabar gara me tuisɨsi."
Ezɨ God ia mɨsevegha gɨvazɨma ia an adarazir otifi. Egha ia atrivimɨn ofa gamir gumazamizibar mɨn otifi. Ia bar guizbangɨra Godɨn gumazamizibara, egha God baghavɨra iti. Egh ia Godɨn gumazamizibar ikɨva, an arazir aghuir a ia gamizibar gun mɨkɨmasa, ia mɨsefe. Ia faragha mɨtarmemɨn ikezɨ, a ian diagha uan angazangarir aghuimɨn ia atɨ.
Ia fo, gumazamiziba kuarazir dozir 5pla wan toian vaghvagh dagh ivezegham. Ezɨ God dar tam bakɨnɨghnighan kogham. God uaghan ian dapanir arɨziba menge, egha a bar deraghavɨra ia gɨfo. Kamaghɨn amizɨma, ia atiatingan markɨ. Ia kuarazir dozir kabar mɨn itir puvatɨ. Ia Godɨn damazimɨn bar ekevegha dagh afira."
God ingangaribar amuasa fofoziba isa e ganɨngi, eghtɨ e igharaziba bagh ingangarim deravɨra a damuam
God uan apangkuvimɨn gɨn ghua ingangarim damuasa bizir aghuim na ganɨngizɨ, kɨ vaghvagha kamaghɨn ia mɨkɨmasa. Ia uari fɨva pɨn uari arɨghan markɨ. Ia deragh nɨghnɨghɨva, God ia ganɨngizir nɨghnɨzir gavgavimɨn ganɨva, tuavir kamɨn ia uari tuisɨgh.