Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Lašarav tut vaš oda, hoj som igen užasňe a zazračňe stvorimen;
tire skutki hine zazračna,
džanav oda igen mištes.
Sar mange phares hin te achaľol tire gondoľišagi, ó Devla,
a keci but hine!
Te len kamľomas te zrachinel,
ulehas buter sar e poši.
Soča uščav, furt som tuha.
Andral o muja le čhavorengre the le cikne čhavengre
tuke džal e chvala,
bo kerďal, hoj tire ňeprijaťeľa te čhiten
a zaačhaďal savoren, ko pre tute džan.
Sar dikhav pre tiro ňebos,
pre buči tire anguštengri,
pro čhonoro the pro čercheňa,
save thoďal pre peskre thana,
phučav: „So hin o manuš, hoj pre leste gondoľines?
So hin o čhavo le manušeskro, hoj tut pal leste starines?"
Le čore manušes hazdel upre andral o prachos,
le slabes podhazdel pal o šmeciskos,
hoj les te thovel te bešel le rajenca;
peskre manušengre rajenca.
Ale o RAJ leske phenďa: „Ma dikh pre oda, sar dičhol avral a savo hino učo, bo me mange kales na kidňom avri. Me na dikhav avke sar o manuš, bo o manuš dikhel ča oda, so hin anglo jakha, ale me dikhav andro jilo."
Ale tumen san o avrikidle manuša, o kraľika rašaja, o sveto narodos a le Devleskre zvlaštna manuša, hoj te vakeren avri ola bare veci, so kerel o Del, savo tumen vičinďa avri andral o kaľipen andre peskro igen šukar švetlos.
Či na bikenen pandže čirikloren vaš o duj haľera? A o Del aňi pre jekh lendar na bisterel. Ale tumenge hin zgende mek the savore bala pro šero. Avke ma daran tumen! Tumen san vzacneder sar but čiriklore.
Vaš e milosť le Devleskri, so sas mange diňi, phenav sakoneske tumendar: Ma av barikano, ma gondoľin pal tu buter, sar kampel, ale gondoľin pal tu ajci, keci tut o Del diňa pačaben.