Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe.
Anumzamoka nagriku’ma nentahina antahizamo’a, soe’zantfa huno mareri agetere’ne. Ana hu’neanki’na ana maka zantamina hampari’na kegara osu’noe. Hagi ana maka zana hampari’na kegahue hu’na hugahuanagi, hagerimofo ankenarega me’nea kaseparamina ana zantamimo’a rugatere’ne. Hagi mase’nofinti’ma omatuana Kagra magoka nagrane mani’nane.
Tro’ma hunte’nana monaramimpima kesga huna koama, ikane ofuramima tro hunka noma’are’ma ante’terema hu’nana kazanko avoma nege’na, amanahu nagesa nentahue, nankna hu zaga vahera mani’nonkenka tusi antahintahi hunerantenka, vahera amnezaga mani’nonanagi kegava hunerantane? Hianagi monafima mani’naza ankeroramina zamazeri antesga hunka tro hunezmantenka, mopafi vahera osi’a ante fenkma atrenka tro hunezmantenka masazanu’ene ragima amizanu’ene fetorira antaninte’nane.
Zamunte omne vahe’ma kugusopafima mase’nazana Anumzamo’a zamavazu huno zamazeri o’netino, maka zanku’ma atupa’ma nehaza vahe’ma ta’nefapima mani’nazana zamavaresga nehie. Ana huteno kva vahe’mofo trate zamantege’za, agri vahe’ma kegavama nehaza ugota kva vahe’mo’zama nemaniza tva’ontera nemanize.
Hianagi Ra Anumzamo’a Samuelina amanage huno asami’ne, Amega avufgare’ene za’za’ma huno hentofazama hu’nenia zantera, kenka huhampri onto. Na’ankure nagra agrira huhampri onte’noe. Hagi Nagra vahe’ma huhamprima nezmantoana, vahe’mo’zama nehazaza hu’na amega zmavufgarera nege’na hunohampruanki, zamagu’are nege’na hunehamprue.
Hianagi Anumzamo tamagrira huhampriramante’nea naga mani’neta, kinimofo pristi naga mani’neta, ruotge hu’nea naga mani’nazageno, Anumzamo’ma Nagri nagare huno hu’nea naga mani’nazankita, Anumzamo’ma hanimpinti’ma tamagima huno, ruzahu masazama’are’ma tamante’nea so’ezama’agura huama hugahaze.
Hagi 5'a kisave nama tare kasage zagore netraze. Ana nehazankino Anumzamo’a ana namazagagura agera nokanie. Hagi tamagerafa nehue, tamasenire’ma me’nea tamazokara maka kohampari’ne. Korera osiho! Tamagara rama’a kisave namazaga agateretma ra’za mani’naze.
Na’ankure Anumzamo’ma asunkuzama’areti asumaraginantenereti, maka motarega amanage nehue, tamagratmigura antahinkeno rana osenketa, vahe’mo’za nemaniza kante maniho. Tamagra’a tamavutamava refako hutma negeta, Anumzamo tamami’nea tamentintireti, tamagra ina avamente mani’nafi refko hutma keho.