Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Iaku kusukuru i Ingkoo roonamo upadhaangiaaku tee cara inda momentela.
Bhari-bharia ipewaumu inda amentela,
tee atotuu-totuu kumataua o giu incia sumai.
Amarasai mpuu o fikirimu, e Aulataʼala, soo mpuu amarasai kumaʼanaia!
Abhari mpuu o fikirimu!
Ande amembali kugagaria,
kabharina alabhi minaaka i kabharina bhone,
tee wakutuuna kuunto kugagaria,
iaku dhaangiapo uka kupobhawa tee Ingkoo.
Minaaka i ngangana manga anaana momaidhiidhi tee anaana modudu uka apuji kamuliangimu.
Roonamo Ingkoo padhamo upakaro bente potaangia momatangka
sabutuna o ngangana bhari-bharia musu tee bhalimu atosoncongi.
Ande kutonto tee kufikiri laiana ipadhaangiamu,
bula tee kalipopo idhikamu,
incema buaka o maanusia sumai, mbakana uudhania,
incema buaka o incia, mbakana udhambaakea?
Incia aangka mia misikini minaaka i ngawu,
tee apalimba mia monarakaa minaaka i kabumbuna ngawu
to apauncura manga incia aposaangu tee manga kaogesa
minaaka i uumatina.
Maka o KAWASANA OPU afirimani i Samuel, "Bholi ukamata bhanguna atawa o poningkarona, roonamo mencuana incia ipiliku. Iaku inda kunilai maanusia mboomo carana maanusia anilai maanusia rangana, roonamo maanusia anilai mia minaaka i bhanguna, maka Iaku kunilai mia minaaka i ngangarandana."
Maka ingkomiumo o mia ipilina Aulataʼala, manga imamu molaianina Raja, lipu momangkilo, uumatina karona o Aulataʼala, mamudhaakana upakoleleaka bhari-bharia giu momaoge ipewauna Aulataʼala, mopadhana mopalimbakomiu minaaka i kalalanda to upesua i nuncana kainawana inda momentela.
Buaka o manu-manu ntomintomi aasoa mia tee haragaa rua doi to lima mbaa? Moomini mboo sumai, inda dhaangia sambaa uka i malinguaka minaaka i pokamatana Aulataʼala. Bulua i bhaamu bhari-bharia padhamo atogagari. Rampaakanamo sumai bholimo umaeka, roonamo ingkomiu alabhi akoharagaa minaaka i kabharina manu-manu ntomintomi.
Aulataʼala padhamo adhawuakaaku rahumati, tee alaloi giu incia sumai iaku kuudhaniakakomiu: Bholi uabhi karomiu apenting mpuu minaaka i kadhaangiamiu mototuu-totuuna, maka upekatambemea o karomiu mboomo kaogena iimani mopadhana idhawuakana Aulataʼala to ingkomiu samia-samia.