Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
हुंह करा तेरअ शूकर किल्हैकि ताखा लागा डरनअ ई,
ज़ेऊ साबै तंऐं हुंह बणाअं सह आसा बडअ ज़बर अर नोखअ!
ऐहा गल्ला समझ़ा हुंह ज़ाथी राम्बल़ै करै।
हे परमेशर, तेरी सोठ समझ़णीं आसा मेरै बशा का बागै,
तेता निं कुंण गणी सकदअ कि सह केतरी आसा।
ज़ै हुंह तेता गणदअ लागूं, तैबी निखल़णीं सह समुंदरे रेते कणीं का बी खास्सी,
ज़ेभै हुंह सुत्ती उझ़िआ, मुखा ज़ाण्हिंआं इहअ कि तूह आसा मुंह ई सेटा।
हुंह लागा तेरै हाथै बणाऐं दै सरगा भाल़अ अर
ज़ोथ अर तारै ज़ुंण तंऐं तेथ टकैल़ी आसा डाहै दै,
तै सोठा हुंह इहअ कि हाम्हैं मणछ किज़ै आसा कि ताह लागा म्हारै बारै सोठणअ?
हाम्हां मणछा बाखा किज़ू दैणअ ताह धैन?
तंऐं बणाअं मणछ आप्पू का धख ई होछ़अ,
तंऐं दैनअ तेऊ लै इज़त अर अदरो मुगट।
सह झ़ैऊआ रैनै-गरीबा
माट्टै अर छ़ारे रूल़ी जैंदरा का उझै,
ताकि सह तिन्नां आपणीं परज़े सैणैं
संघै राज़ करना लै साझ़ू हई सके।
पर बिधाता बोलअ शमूएला लै, "तूह निं इहअ भाल़अ लागै कि अह आसा हेरनअ बित्तअ अर खास्सअ लाम्मअ। मंऐं अह आथी छ़ांटअ द किल्हैकि हुंह निं तेऊ साबै भाल़दअ ज़िहै मणछ भाल़ा। मणछ भाल़ा बाघलअ रूप पर हुंह भाल़ा मणछो दिल कि सह किहअ आसा।"
पर तम्हैं निं तिहै आथी, तम्हैं आसा परमेशरै आप्पू लै छ़ांटै दै। तम्हैं आसा तेऊ परमेशरे च़ाकरी करनै आल़ै प्रोहत ज़ुंण राज़अ आसा। तम्हैं आसा पबित्र अर परमेशरे आपणैं खास लोग ज़ुंण परमेशरे च़ाकरी करा। तेऊ शादै तम्हैं न्हैरै मांझ़ा का महान प्रैश्शै लै ताकि तम्हैं परमेशरे महान कामें बारै सोभी लोगा का खोज़ी सके।
दूई चाम्बे ढब्बै करै कै पांज़ च़ेल्ली निं बिक्कदी? तैबी निं परमेशर तिन्नां मांझ़ै एकी बी बिस्सरदअ। इधी तैणीं कि तेऊ आसा थारै मुंडे शराल़ बी सोभ गणै दै। तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।
किल्हैकि मुंह परमेशरा का ज़ुंण जश आसा भेटअ द, हुंह बोला तेता पिछ़ू तम्हां सोभी लै इहअ कि ज़िहअ समझ़अ लोल़ी तेता का ज़ादै निं तम्हैं आप्पू समझ़ी। पर ज़िहअ परमेशर थारै विश्वासे साबै बांडी आसा दैनअ द तम्हैं समझ़ा आप्पू तेते साबै।