गाज़ै-बाज़ै आल़ेए सैणैं लै गितीत रागा दी राज़ै दाबेदो भज़न

1 हे मेरै मालक, म्हारै बिधाता,

तेरअ महान नाओं प्रतप्प पुजअ सारै संसारै!

अर स्वर्गै भाल़ी सोभी तेरी ठाहठ।

2 लान्हैं-सुन्हैं आसा तेरी ज़ै-ज़ैकार करदै लागै दै,

इहअ करै निं तेरै दुशमणा अर

बरोधी का किछ़ै ज़बाब रहअ।

3 हुंह लागा तेरै हाथै बणाऐं दै सरगा भाल़अ अर

ज़ोथ अर तारै ज़ुंण तंऐं तेथ टकैल़ी आसा डाहै दै,

4 तै सोठा हुंह इहअ कि हाम्हैं मणछ किज़ै आसा कि ताह लागा म्हारै बारै सोठणअ?

हाम्हां मणछा बाखा किज़ू दैणअ ताह धैन?

5 तंऐं बणाअं मणछ आप्पू का धख ई होछ़अ,

तंऐं दैनअ तेऊ लै इज़त अर अदरो मुगट।

6 ज़ुंण आपणैं हाथै तंऐं संसार बणाअं, तंऐं बणाऐं तेते सैणैं मणछ ई,

अर सोभी ज़ीबा प्रैंदै राज़ दैनअ तंऐं तिन्‍नां ई लै।

7 डागै-चैणैं, सोभै बणें ज़ीब,

8 सरगै डैऊंदै च़ेल्‍लू-पखीरू,

समुंदरे म्हाछ़ली अर तेते सोभै ज़ीब।

9 बिधाता, तेरअ महान काम शुझिआ

पृथूई दी सारै इना सोभी गल्‍ला दी।