1 परमेशर दैआ तिन्‍नां मणछा लै बर्गत

ज़ुंण कदुष्ट मणछे सलाह निं मंदअ,

नां पापी मणछा ज़िहअ काम करदअ

अर नां तिन्‍नें टोली दी साझ़ू हंदअ

ज़ुंण परमेशरो मखौल करा।

2 इना सोभी गल्‍ला छ़ाडी रहा तिंयां

बिधातो बधान मनणा लै मगन

अर तिन्‍नां हआ धैल़-राच तेते ई बारै धैन अर सोठ पल़ी दी।

3 तिंयां मणछ आसा इहै हरै बूटा ज़िहै

ज़ुंण सदा बहूंदी गाडे बाढै आसा लागै दै,

ज़ेथ सिज़नै ठीक बगती फल़ लागा

अर पाच रहा तिन्‍नां बूटे हरै ई हरै।

तिंयां मणछ ज़िहअ बी करे, तेथ हआ तिंयां सफल।✝ 4 पर कदुष्ट मणछ निं इहै हंदै!

तिंयां आसा इहै भुखलै ज़िहै, ज़ेता बागरी करै पोर्ही पूणा।

5 तैही निं कदुष्ट मणछा का राज़ै धर्मींए दालता दी ज़बाब हणअ,

तेऊ काढणैं पापी मणछ आपणैं धर्मीं मणछे टोली का दूर।

6 किल्हैकि धर्मीं मणछे हेर-सभाल़ अर फाज़त करा बिधाता आप्पै,

पर कदुष्ट मणछ डेऊणैं तैहा बाता ज़ेथ बरैबादी हआ।✝