1 हे बिधाता, हाम्हां लै दै जश अर बर्गत,

हाम्हां बाखा भाल़ हास्सदी अर प्रैश्शै मुंहैं।

2 सारै संसारा का लोल़ी थोघ लागअ कि तूह किज़ै च़ाहा,

सोभी देशा का लोल़ी हाम्हां बच़ाऊंणे तेरी तागत शुझुई।✝

3 हे बिधाता, सोभी देशे लोगै लोल़ी तेरी ज़ै-ज़ैकार किई,

अर सोभी लोल़ी तेरअ शूकर किअ।

4 सोभी देशै लोल़ी तेरी ज़ै-ज़ैकारे भज़न बोलै,

किल्हैकि तंऐं किअ सोभी लोगो नसाफ,

अर सोभी देशा लै सलाह बी दैआ तूह ई।

5 हे बिधाता, सोभी देशे लोगै लोल़ी तेरी ज़ै-ज़ैकार किई,

अर सोभी लोल़ी तेरअ शूकर किअ।

6 ज़ैगा-ज़िम्मीं हेरी फसल दैई,

म्हारै परमेशर बिधाता दैनी हाम्हां लै बर्गत।

7 आजू बी भेटणीं हाम्हां बिधाता का बर्गत ई,

संसारे सोभी लोगै लोल़ी बिधातो अदर किअ।