1 ज़धू हाम्हैं बिधाता, एरुशलेम आपणीं नगरी बापस पजैल़ै,

सह ज़ाण्हुंअ हाम्हां का सुपनै ज़िहअ।*

2 हाम्हैं लाग हास्सदै खेल्हदै अर हाम्हां हुई नाच़णै जोगी खुशी!

तेखअ लागै होरी देशे लोग आप्पू मांझ़ै हाम्हां लै इहअ बोल्दै,

"बिधाता किऐ इना लै खास्सै बडै-बडै काम।"

3 हाँ, बिधाता किऐ हाम्हां लै बडै-बडै महान काम अर

हाम्हां आसा ऐहा गल्‍ले खुशी।

4 हे बिधाता, हाम्हैं करा ताखा अरज़ कि हाम्हां लै दै तूह भिई बर्गत*,

हाम्हैं लोल़ी दखण रेगीस्ताने बगदी गाडा ज़िहै हुऐ।

5 हे बिधाता, हाम्हैं ज़ुंणी लेरा लाई-लाई बऊअ,

तिन्‍नां लोल़ी खुशी दी ज़ै-ज़ैकार करदी लऊंणअ भेटअ।

6 बेज़ै बऊंदै डेऊंदी बारी लाई हाम्हैं लेरा,

पर ऐबै एछणअ हाम्हां गिहा-बाता लांदी फिरी,

ज़ांऊं हाम्हां नाज़े काशीए भर्टू आणनैं।*