भज़न 122

ज़ै-ज़ैकार करना लै गिह

हांढा लै राज़ै दाबेदे गिह

1 मुंह हुई बेघै खास्सी खुशी ज़ांऊं मेरै साथी इहअ बोलअ,

"च़ाल्‍ला हाम्हां डेऊणअ बिधाते पबित्र भबना लै।"

2 ऐबै आसा हाम्हैं इधी एरुशलेम नगरीए

प्रऊल़ी भितरी खल़्हुऐ दै!

3 एरुशलेम नगरी भाल़ केही बांकी कारीगीरी आसा हुई दी,

एता फेर फिरदी दुआली आसा उछ़टी अर पाक्‍की।

4 इधा लै एछा इज़राईले सोभी गोत्रे लोग

बिधाता लै शूकर करदै, ज़िहअ

बिधाता तिन्‍नां लै हुकम आसा किअ द।

5 इज़राईलीओ राज़अ आसा इधी,

राज़गाद्दी प्रैंदै दाबेदे खिंबे नसाफ करदअ बेठअ द।

6 बिधाता सेटा करा अरज़, "एरुशलेम नगरी लोल़ी मेल़-ज़ोल़ रहअ,

हे बिधाता, ज़ुंण ताल्है झ़ूरा तिंयां लोल़ी राज्ज़ी-राम्बल़ै रहै।

7 नगरीए उछ़टी-उछ़टी दुआली भितरी लोल़ी मेल़-ज़ोल़ रहअ,

अर तेरै मैहलै लोल़ी सोभै राज्ज़ी-राम्बल़ै रहै।"

8 आपणैं साथी-भाई अर नातै रिश्तैदारा लै बी करा हुंह बिधाता का अरज़,

"तम्हां सोभी लै लोल़ी मेल़-ज़ोल़ हुअ।"

9 आपणैं परमेशर बिधातो भबने तैणीं करा

हुंह बिधाता का अरज़ कि तम्हां लै लोल़ी खास्सी छाई-छदर हुई।