1 मुंह बच़ाऊंणै आल़ै परमेशर

बिधाता, ज़ीबाण ज़ेभै हुंह अरज़ करूं तेभै दैऐ तूह तेतो ज़बाब,

ज़ेभै मुंह गल़ै तैणीं घाटी ती आई दी,

तेभै आअ तूह ई मुंह बच़ाऊंदअ।

ऐबै कर तूह मुल्है झींण अर मेरी अरज़ शुण।

2 ओ लोगो, तम्हां केभै तैणीं रहणअ मेरी बेइज़ती करदै लागी?

तम्हैं झ़ूरा झ़ुठी मुहुर्ती ज़ेही ऐडी गल्‍ला लै अर

तम्हां केभै तैणीं रहणअ शल़ैघा पिछ़ू ठुहर्दै लागी।

3 ऐहा गल्‍ला करै आद कि बिधाता आसा सोभै धर्मीं मणछ आप्पू लै डाहै दै

अर ज़ेभै हुंह अरज़ करूं, सह हेरा तेभै मेरी शूणीं।

4 पर तम्हैं सोभै रहा डरदै-काम्बदै अर पाप करनअ छ़ाडा।

एते बारै सोठा धोरै करै दिला का

ज़ेभै तम्हैं कांगनरांगै आपणैं च़ैन्‍नै होए सुत्तै दै।✝

5 बिधाता लै करा धर्मीं बल़ीदान

अर रहा बी तेऊए ई भरोस्सै।

6 कई मणछ आसा इहै ज़ुंण एही अरज़ करा,

"हे बिधाता, हाम्हां लै दै खास्सी बर्गत,

तूह भाल़ हाम्हां झणैल़ू हई करै!"

7 पर ज़ुंण नंद तंऐं मुल्है दैनी,

सह आसा तिन्‍नें खास्सी साल-फसल, नाज़

अर दाखे रसा का बी खास्सी।

8 हुंह सका निहंचै राची निंजा सुत्ती

किल्हैकि तूह बिधाता करा आप्पै मेरी फाज़त।