1 सारअ संसार करा बिधाते ज़ै-ज़ैकार!*

2 नाच़दी-खेल्हदी गिहा बोल्दी करा बिधाते ज़ै-ज़ैकार

अर तेऊ सेटा लै एछा शूकर करदी अर खुशीए गिहा बोल्दी-बोल्दी।

3 तम्हां का आसा थोघ बिधाता आसा परमेशर,

हाम्हैं आसा तेऊ बणाऐं दै अर हाम्हैं आसा तेऊ ई लै,

हाम्हैं तेऊए परज़ा आसा तेऊए ई घैहणीं च़रदी भेडा-बाकरीए हेल़्ही ज़िहै।

4 तेऊए प्रऊल़ी भितरी डेओआ शूकर करदी,

अर तेऊए खोल़ै डेओआ ज़ै-ज़ैकार करदी।

तेऊओ करा शूकर अर ज़ै-ज़ैकार।

5 बिधाता आसा भलअ अर सह झ़ूरा हाम्हां लै सदा,

तेऊओ सत्त रहणअ पोस्ती दर पोस्ती।