भज़न 123

बिधाता का अरज़ कि झींण कर

हांढा लै गिह

1 हे बिधाता, परमेशर, हुंह लागा उझै स्वर्गा बाखा ताह भाल़अ*123:1 स्वर्गा बाखा ताह भाल़अ हे बिधाता, हुंह भाल़ा ताह प्राथणां दी उझै स्वर्गै ज़िधा का तूह पृथूई दी राज़ करा।,

ज़िधी राज़गाद्दी दी बेशी तूह राज़ करा।

2 ज़िहै दास अर हर बगत आपणैं मालका बाखा हेरै-भाल़ै रहा अर

दासी आपणीं मालका बाखा भाल़ी-हेरी रहा,

तिहै ई रहा हाम्हैं बी ताह भाल़ै लागी

कि तूह हाम्हां लै झींण करे।

3 हे बिधाता, हाम्हां लै कर झींण, ज़ीबाण झींण कर,

म्हारी किई लोगै साबा का बाधू बेइज़ती।

4 राज्ज़ी-मौज़ी रहणैं आल़ै सेठ मणछ हआ म्हारै सुहांगा लागै दै,

शरेरै मणछै लाऐ हाम्हैं खास्सै हंती।