1 हे बिधाता, ताह केभै तैणीं डाहणअ हुंह बिस्सरी? सदा लै?

ताह केभै तैणीं डाहणीं मुंह बाखा पिठ फरेऊई?

2 केभै तैणीं रहूं हुंह खरी काटदअ लागी?

केभै तैणीं रहणअ मुंह धैल़-राच दुख पल़ी?

केभै तैणीं रहणैं मेरै दुशमण मुंह च़िक्‍कदै लागी?

3 हे मेरै परमेशर बिधाता, मुंह बाखा फिर, मेरी गल्‍लो ज़बाब दै हैनूं,

मेरी आछी का लोल़ी भिई शुझदअ लागअ, मुंह निं सदा लै निंजा सुत्ती मरनै दैई।

4 नांईं ता मेरै दुशमणा बोल़णअ इहअ,

"हाम्हैं ज़ितै तेऊ का!" तिन्‍नां निं मेरी बरैबादीए खुशी दैई मनाऊंणै।

5 मुंह आसा भरोस्सअ कि तूह झ़ूरा मुल्है,

मुंह हणअ खुश किल्हैकि तंऐं हेरअ हुंह बच़ाऊई।

6 हे बिधाता, मुंह बोल़णीं तेरी गिहा,

किल्हैकि तूह आसा मुल्है खास्सअ भलअ।