बिधाता दी भरोस्सअ
गाज़ै-बाज़ै आल़ेए सैणैं लै राज़ै दाबेदो भज़न
1 मुंह आसा आपणैं बिधाता दी भरोस्सअ,
तम्हैं किल्है बोला मुल्है एही ऐडी गल्ल,
"च़ेल्लू ज़िहअ डैअ दैई डेऊ उझै ज़ोता लै।"
2 किल्हैकि कदुष्ट मणछ आसा न्हैरै दी लुक्की करै
भलै मणछा लै कतीरा बाहणां लै ताखुई रहै दै।
3 ज़ै बधान काईदअ ई पठी बरैबाद होए,
तै निं भलअ मणछ किछ़ै करी सकदअ।
4 बिधाता आसा आपणैं पबित्र भबनै,
सह आसा स्वर्गै आपणीं राज़गाद्दी प्रैंदै बेठअ द।
सह हआ सोभी मणछा भाल़अ लागअ द
कि तिंयां किज़ै करा।
5 बिधाता परखा भलै अर बूरै मणछा राम्बल़ै करै,
सह करा कदुष्ट मणछा का खास्सी नफरत।
6 तेऊ बरशाऊंणी कदुष्टा लै ज़ल़दी आग अर गंधक,
तेऊ बरशाऊंणी कदुष्टा लै ज़ल़दी आग अर गंधक,
7 बिधाता आसा धर्मीं अर सह झ़ूरा भलै कामां लै,
तेऊ सेटा सका सिधअ सह ई मणछ डेऊई ज़ुंण भलै काम करा।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)