Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
काकरेकी परमेश्वर संसारके मनैनहे असिन प्रेम करलाँ कि ऊ अपन थेन रलक एक्केथो किल छावाहे दैदेलाँ, ताकि हुँकारमे विश्वास करुइया केऊ फेन नाश ना होए, पर ऊ सदाकालके जीवन भेटाए।
मै तुहुरिन्हे एकथो लावा आज्ञा देहतुँ: तुहुरे एकदोसर जहनहे प्रेम करो। जसिके मै तुहुरिन्हे प्रेम करथुँ, ओस्तेके तुहुरे फेन दोसुर जहनहे प्रेम करो। यदि तुहुरे एकदोसर जहनहे प्रेम करबो कलेसे, यम्नेहेँसे सक्कु जाने जन्हीँ, कि तुहुरे मोरिक चेला हुइतो।"
पर परमेश्वर हमार लग हुँकार प्रेम यम्नेहेँ देखैथाँ, कि हम्रे पापी रहलेमे ख्रीष्ट हमार लग मुगिलाँ।
काकरेकी महिन्हे यी पक्का बा कि कुच्छु चिज फेन हम्रिहिन्हे प्रभु येशू ख्रीष्टके प्रेमसे दूर लैजाई नै सेकी। यिहिसे कुछु फरक नै परत कि हम्रे जिथी या मुथी। स्वर्गमे रहल स्वर्गदूतनके, शासकहुँक्रे और शक्तिन फेन हम्रिहिन्हे ख्रीष्टके प्रेमसे दूर कराई नै सेक्हीँ। और ओइने फेन जोन अब्बे हुइता, और भविष्यमे हुई। और ना ते उप्रक शक्ति या तरेक शक्ति, सारा सृष्टिमे रहल कौनो फेन चिज हम्रिहिन्हे हुँकार प्रेमसे अलग करे नै सेक्हीँ।
प्रेम परोसीक कुछु खराबी नै करत, तबेकमारे जे प्रेम करत, ऊ परमेश्वरके देहल मोशक नियम कानुनहे पूरा करत।
जोन मनै दोसुर जहनहे प्रेम करथाँ, ओइने धिरजतासे और दयासे काम करथाँ। ओइने बिह्रे नै मुथाँ, ओइने अपन प्रशंसा नै करथाँ, और ओइने घमण्ड फेन नै करथाँ। प्रेम करुइया मनै दोसुर जहनहे अनादर नै करथाँ। ओइने स्वार्थी नै रथाँ, ओइने झत्ते नै रिसैथाँ, और ओइन्के विरोधमे कलक खराब बात ओइने महा सहजसे बिस्राजिथाँ। जब मनै गलत या खराब काम करथाँ, तब ओइने खुशी नै हुइथाँ। पर जब मनै सच्चा या बफादार काम करथाँ, तब ओइने खुशी हुइथाँ। यदि उ बात सम्भव नै हो कलेसे, "धैर्यतासे सक्कु बात स्वीकार करलेऊ।" प्रेम करुइया मनै हर परस्थितिमे परमेश्वरकेमे भरोसा कर्ले पलिरथाँ। ओइने हरदम आशावादी रथाँ, और सक्कु मेरिक समस्या और दुःखमे धिरजतामे पलिरथाँ।
अगमवाणी और अन्य भाषा और विशेष ज्ञानमे बोल्ना क्षमता बिनाकामक होजाई। पर प्रेम सदादिन पलिरही।
जे दोसुर जहनहे प्रेम नै करत, ऊ परमेश्वरहे नै चिन्हत। काकरेकी परमेश्वर प्रेम हुइताँ।
प्रेममे डर नै रहत, पर सिद्ध प्रेम डरहे हटादेहत। काकरेकी डरके सम्बन्ध ते दण्डसे रहत और जे डराइत प्रेममे ऊ सिद्ध नै हुइल रहत।
परमेश्वरके आज्ञा पालन करके हम्रे देखैथी कि हम्रे हुँकिन्हे प्रेम कर्थी, और हुँकार आज्ञा कर्रा नै हुइतिन।
जब पवित्र आत्मा हम्रिहिन्हे अगुवाई करत कलेसे हम्रे एकदोसर जहनसे प्रेम कर्थी। खुशी रथी। शान्ति रहत। सँस्सा करे सेक्थी। दोसुर जहनहे दया देखैथी। दोसुर जहनके भलाई कर्थी। एकदोसर जहनकेमे भरोसा रहत।