Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Anumzamo tusiza huno mopafi vaheku avesi nezmanteno, magoke ante’nea Ne’mofavre’a zami’ne. Agrite zamentinti hanamo’za fanane osu’za manivava zamasimu erigahaze.
Nagra kasefa kasege tamagrira neramue, Nagrama navesi neramantoa kna huta rumokizmia zmesinezmanteta, anahu kna hutma ovesinte avesinte hiho. Tamagrama mago’mofo ovesinte avesinte nehnage’za, maka vahe’mo’za nege’za, tamagra Nagri namage nentaza disaipol naga mani’naze hu’za hugahaze.
Hianagi Anumzamo’a tusiza huno avesirantenea zama eriama hu’neana, kumi vahe mani’nonkeno Kraisina huntegeno, tagri kumiku huno efri’ne.
Nagrama hankave antahintahima nentahuana, fri’zamo’o, asimu erino mani’zamo’o, ankeromo’zo, havi avamumozo, meni fore nehaza zamozo, henka’a fore hanaza zamozo, mago’a hihamu hankvemozo, amunagamu me’nesaza zamo’zo, fenkagamu me’nesaza zamo’zo, makaza Anumzamo tro huzmante’nea zampinti mago' zamo’e huno Anumzamofo avesizama, Jisas Kraisi Rantmofompi me’nea avesi zampintira tazeri otregahie.
Tava’onte’ma mani’namokizmi avesintezamo’a havizana omnene. E’i ana hu’negu vahe’ma zamesinte’zamo’a kasege eri knare nehie.
Vahe’ma avesinte’zana, agazone huno mani’zane, avesinte’zane so’e avu’ava hu’zane, avesinte’zana kenunu hu’za omneno, ra agi eri’zana omne’ne, avesinte’zana avufga ra hu avu’ava hu’zana omne’ne, veganokno’zana omne’ne, agraguke antahi’zana omne’ne, agra ame’ama huno asi ovazi’zane, rumo haviza hunte’nea zanku nontahino agekanino mani’zane. Vahe’ma avesinte’zamo’a havi avu’ava’zankura musena nosie. Hagi tamagezanku musena nehie. Avesinte’zamo’a, agazone huno mani’neno maka knazana e’nerino, amentinti nehuno, maka’za fore hugahie huno nentahino, maka knazana erino vu’za me’ne.
Vahe’ma Avesinte’zamo’a vagaoregahie. Ana hu’neanagi kasnampa ke huzamo’ene, ru vahe zamageru ru’zamo’ene, knare antahintahi zamo’a vagaregahie.
Vaheku’ma avesima onte vahe’mo’a, Anumzamofona keno antahino osu’ne. Na’ankure Anumzamo’a avesizamofo agafa’e.
Avesinte zampina koro’ma hu’zana omane’ne, hianagi tamage avesi’zamo’a, koroma hu’zana erinetre. Na’ankure koro’ma haniana refko’ma hurante’zankure. Knama eri’zanku’ma koro’ma hanimofona, avesinte’zana fatgo huno agripina omane’ne.
Na’ankure ama’i Anumzamofo avesi’zane, tagra amage nentonkeno, ana kasege’amo’a kna noramie.
Hianagi Avamumofo avu’ava zana avesinte’zane muse’zane, rimpa fru’zane, akoheno mani’zane, vahe so’e hunte avu’ava zane, knare avu’ava hu’zane, ke amage’anteno avariri fatgohu avu’avazane,