Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.
Mə za ə̈bə̈ tafa âgbɔ̂ əpʉ kə e: e yï tə̂ e lə takpa tə̂ e; mata ə̂në mə yində e kɔ, e-e ndje, e yï tə̂ e lə takpa tə̂ e. Kədə kə yi tə̂ kə sə lə takpa tə̂ e, azü nɔ̂ sə kə wusə̂ nə ə pa e sə tə atrawaya nə̂ əmə.»
Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.
Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.
Əzü ə̂në tshə yində bəngâ nə, tshə sə sə kə mbrə ə̈bə̈ əmbrʉ ərə kə ətshə bale ne. Rəkɔ, kə yində əzü sə tə kə mbrə ndəma âgbɔ̂ əpʉ nɔ̂.
Əzü ə̂në tshə yində bəngâ nə, tshə sə kə ru tshelə ye, əzü ə̂në tshə yində bəngâ nə, tshə sə kə ma ə̂rɔ̂ nə kə ətshə, tshə sə sə kə za tshelə ye gâ tə̂ ye ne. Əzü ə̂në tshə yində bəngâ nə, tshə sə sə kə da əkro ye ne, tshə sə sə kə ma gao ne, tshə sə sə kə mbrə ərə gana ne, tshə sə sə kə pra ərə kʉ mbrə ətshə ne, tshə sə sə kə ma əkɔ ne, tshə sə sə kə bata əpʉ tə̂ lɔsu ye ne. Tshelə ye sə sə kə mɔ tə̂ əmbrʉ ərə ne, bale tshelə ye sə kə mɔ tə̂ djatra əpʉ. Tshə sə kə gba tshelə aəpʉ nɔ̂ lə akrɔ bəngâ nə, tshə sə kə yində aəpʉ nɔ̂ də lɔsu ye, tshə sə kə za lɔsu ye gâ pâ aəpʉ nɔ̂, tshə sə kə ru ə ru lə aərə nɔ̂.
Kə yi tə̂ sə sə kə nglɔ nə bale ne. Kə pa ndəma Ndjapä ə nglɔ ndə ə̈bə̈ alɔ je, âkrâ kə pa aama aəgɔ ə nglɔ je, kə wusə̂ ərə ə nglɔ je.
Əzü ə̂në tshə yində azü yi ne kɔ, tshə wûsə̂ Ndjapä wû alɔ bale ne, mbrə ə̂në Ndjapä nə kə də̂ kə yi tə̂.
Awa sə sə lə kə yi tə̂ ne, bale djatra kə yi tə̂ sə kə grɔ awa ngrʉ̂ gashe, mbrə ə̂në awa yisə̂ nə ə pa əpʉ sə lə kumu əzü, â əzü ə̂në tshə sə kə mbrə awa nə kɔ, tshə nê nê lə kə yi tə̂ nə ne.
Mbrə ə̂në äwä kə yində Ndjapä nə, kə də̂ kə pa a mbrə ərə ə lï də aəpʉ ə̂në tshə zâ ama də nə gâ ye kɔ. Â aəpʉ nə ə̂në tshə zâ ama də nə gâ ye kɔ, ə gbɔ gbɔ ne,
Bale, ərə ə̂në Âgbɔ̂ Yîrə̂ nə sə kə mbrə nə lə əzü kɔ kə də̂: kə yi tə̂, ə̂rû, blatshe, kə ru tshelə, ə̂rɔ̂ lɔsu, ə̂rɔ̂tə̂, kə sə tə əzü ə̂në tshə lï ndə kə pa azü za lɔsu nɔ̂ kə ətshə,