Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
"किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।
"ऐबै दैणीं मुंह तम्हां लै एक नऊंअ हुकम कि एकी-दुजै संघै डाहा झ़ूरी, ज़ेही मंऐं तम्हां लै झ़ूरी किई तेही झ़ूरी करा तम्हैं एकी-दुजै लै। ज़ै तम्हैं आप्पू मांझ़ै झ़ूरी डाहे, तेता करै बछ़ैणनै तम्हैं होरी लोगा बी कि तम्हैं आसा मेरै च़ेल्लै।"
पर परमेशर करा हाम्हां संघै एतरी झ़ूरी कि ज़ेभै हाम्हैं पापी तै, ईशू मसीहा दैनी म्हारी तैणीं आपणीं ज़ान।
किल्हैकि मुखा आसा थोघ कि नां मौत, नां ज़िन्दगी, नां स्वर्ग दूत, नां जमदूत, नां एभै, नां आगली ज़िन्दगीए फिकर, नां शगती, नां उछ़टी ज़ैगा, नां डुघी ज़ैगा, नां कोई होर संसार हाम्हां परमेशरे झ़ूरी का ज़ुदै करी सकदै, ज़ुंण म्हारै प्रभू ईशू मसीहा दी आसा।
झ़ूरी निं आप्पू फेर रहणैं आल़ै कोहिओ बूरअ करदी, ज़ै हाम्हैं सोभी लै झ़ूरी करा, तै करा हाम्हैं परमेशरे बधाना पूरअ।
ज़ुंण होरी लै झ़ूरी करा, सह डाहा सबर अर दुजै लै झींण अर ज़ुंण झ़ूरी करा सह निं कोहिए निंदा करदअ आथी, झ़ूरी निं आपणीं बड़ैई करदअ आथी, अर नां आप्पू सराहंदअ आथी, सह निं दुजे बेइज़ती करदअ, नां सह मतलबी हंदअ, सह निं धखी का रोश्श करदअ, ज़ै तेऊ लै कुंणी बूरअ बभार किअ तेता बी निं सह आद डाहंदअ, ज़ै कुंण तेऊ लै पाप बी करे, तेता बी करा सह माफ। ज़ुंण झ़ूरी करा सह निं लोगे कदुष्ट कामां लै खुश हंदअ, सह हआ भलै अर शुचै कामां लै खुश। सह ज़िरा झ़ूरी दी सोभी गल्ला, सह निं विश्वास करनअ छ़ाडदअ, सह डाहा सोभी गल्ला दी आशा अर सह धरा हर गल्ला लै धीर।
इहअ बगत बी एछणअ ज़ेभै लोगा परमेशरो बैण खोज़णअ ई निं आथी! नां पाखली बोली बोल़णीं अर परमेशरे बारै डुघै भेद समझ़णें बी निं ज़रुरत रहणीं, पर झ़ूरी रहणीं कबल्ली एही ई बणी।
ज़ुंण होरी लै झ़ूरी नांईं करदअ, तेऊ का निं परमेशरो थोघ आथी, किल्हैकि परमेशर आसा झ़ूरी।
हाम्हां निं डरने ज़रुरत आथी किल्हैकि हाम्हैं डाहा परमेशरा संघै असली दी झ़ूरी, ज़ुंण परमेशरा संघै झ़ूरी डाहा तिन्नां निं तेऊ का डरने ज़रुरत आथी। किल्हैकि डरा करै हआ कष्ट अर ज़ुंण डरा सह निं झ़ूरी दी पाक्कअ हंदअ।
म्हारी परमेशरा संघै झ़ूरी आसा अह कि हाम्हैं मना तेऊओ ई हुकम अर तेऊओ हुकम निं हाम्हां लै कठण आथी।
पर ज़ेभै हाम्हैं पबित्र आत्में बशै रहा सह करा हाम्हां दी झ़ूरी, नंद, मेल़-ज़ोल़, भलाई, विश्वास,