Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
भगवान आहयी कळी सी एतरो मोंग कर्यो, के तीना एक-खोळ्या बेटा ने आप देदो के, जे कोय तीनी पोर भरहो करे, तीहयो बरबात नी हये, पण अमर जीवाय हात करहे।
"मे तमने एक नवलो हुकम आपु, तमु एक-बीजा ने मोंग करो। जीसम मे तमने मोंग कर्यो, तेमेत तमु बी एक-बीजा ने मोंग करो। कदी तमु एक-बीजा ने मोंग करहु, ता आहयु देखीन आखा माणहु जाण लेहे, के तमु मारा चेला से।"
पण भगवान आपणी पोर मोंग नी भलाय आहयी रीते उजन्ती करे के जत्यार आमु पापीत हता, तत्यार मसी अमारा लेदे मर्यो।
काहाके मने भरहो से के कोय बी चीज आमने तीना मोंग सी अलग नी कर सके, नी ते मोत अने नी ते जीवाय, नी ते ह़रगदुत अने नी ते बुरो मुख्यो, नी ते हमणे अने नी अळतेण, अने नी ताखत, नी उचाय अने नी उंडाय अने नी कंय कळी मे बणावली चीज, आमने भगवान ना मोंग सी, जे अमारा मालीक मसी ईसु मे से अलग कर सके।
मोंग ह़ाते वाळा नी बुराय नी करे, मोंग करवा आहयु नेम ने पाळण करनु से।
मोंग गम खाण्यो से, मोंग दया वाळो से, अने मोंग कुहराय नी करे, मोंग आह़फा नी बड़ाय नी करे, अने मोटाय नी करे। मोंग ह़ोबे नी एवु नी करे, मोंग आह़फा नु भुल हयवा जोवे ईसम हेर नी करे, मोंग नराज नी हये, मोंग बीजा नी कुहराय नो हीसाब नी राखे। मोंग पाप करे, ता खुस नी हये। पण सच्चाय सी खुस हये। मोंग आखी वात ने वेठ लेय, मोंग भरहो करे एवी आखी वात पोर भरहो करे, मोंग आखी वात नी आह करे, मोंग आखी वात मे गम खाय।
मोंग कदी खुटे नी; भगवान भणी गेथी जे बी वात से, तीहयी बी एक दाड़ो खुट जहे, आखी भाती नी बोली बी खुट जहे; अने अक्कल बी खुट जहे।
जे मोंग नी करे, तीहयो भगवान ने नी जाणतो, काहाके भगवान मोंग से।
मोंग मे बीक नी रेय, पण पुरो मोंग बीक ने सेटो कर देय, काहाके बीक सी डंड नी सण्का रेय, अने जे बीहे, तीहयो मोंग मे पक्को नी हयो।
अने भगवान नो मोंग आहयो से, के आमु तीना हुकम ने मानया; अने तीना हुकम काठा नी हय।
पण आत्मा ना फोळ; मोंग करवा, खुस रेवा, सांती गम खावा, अने दया करवा, भलाय करवा, भरहो;