Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ.
ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ನಿಂಗತ ಮಯಾ ಕರುಜ. ಯಕ್ಕೆಳೆ ತುಮೆ ಯಕ್ನಾ ಯಕ್ಕ ಮಯಾ ಕರ್ಯಾಮ, ತುಮೆ ಮಾರಾ ಶಿಷ್ಯಾ ವ್ಹೈ ಕವಾನು ಕ್ಹಾರಾವೊನೆ ಗ್ವತ್ತ ಥಾವಸ ಕೈನ ಕದ್ಯೊ.
ತೆನೈಸೊ ಅಪೆ ಪಾಪಿಯೊ ರ್ಹತಾಮಾಜ಼ ಕ್ರಿಸ್ತ ಪಾಪಿಯೊನಾಹುತಿ ಜ಼ಲಮ ದಿದ್ಯೊ. ಇನಾಹುತಿ ಕ್ಹುದಾ ಅಪೊಪರ ರ್ಹಯಲ ಘನ್ನಿ ಮಯಾ ಇಮ್ಮ ಅಪೊನೆ ದೆಕಾಡಿನ ದಿವಸ.
ಕಯುಜ಼ ತಿನಿ ಮಯಾಕ್ಹು ಅಪೊನೆ ಜು಼ದು ಕರಾನೆ ಸಾಧ್ಯ ನತ್ತಿ ಕೈನ ಮಿ ತುಮೊನೆ ಕ್ಹರಿಜ಼ ಕೌಸ; ಮೌತ ನೈತೊ ಜ಼ಲಮ ನೈತೊ, ದೆವದುತೊ ನೈತೊ ಬಿಜಾ಼ ಸ್ವರ್ಗನಾ ಅದಿಕಾರಿಯೊ ನೈತೊ ಕ್ಹಾರಾ ಅದಿಕಾರಿಯೊ ನೈತೊ ಹಮ್ನಾ ನೈತೊ ಭವಿಷ್ಯ, ಮಹತ್ವನಿ ಸಂಗತಿಯೊ ರ್ಹೈನೆಕಾ, ಉಪ್ಪರಲ್ಯು ಲೊಕ ರ್ಹೈನೆಕಾ ಲೊಕ ರ್ಹೈನೆಕಾ ಬಿಜು಼ ಕಯುಬಿ ಸೃಷ್ಟಿ ರ್ಹೈನೆಕಾ ಅಪೊನೆ ಅಪ್ನೊ ಕರ್ತ ಥಯಲ ಕ್ರಿಸ್ತ ಯೆಸುಮಾ ದಿಕ್ಹಿನ ಆಯಲ ಕ್ಹುದಾನಿ ಮಯಾಕ್ಹು ದುರ ಕರಾನೆ ಥಾತುಜ಼಼ ನೈ ಕೈನ ಕ್ಹರಿಮಾಜ಼ ಮನೆ ಗ್ವತ ಛೆ.
ಮಯಾ ಬಿಜಾ಼ ಮನಕ್ಹೊನೆ ಕೆಟ್ಟ ಕರತು ನೈ. ತಿನಾಹುತಿ ಮಯಾ ಕರಾನೆಬಿ ಕ್ಹಾರಿ ಆಗನ್ಯಾವೊನೆ ವಿಧೆಯ ಥಾವಾನೆ ಸುಜ಼ ಫರಕ ನತ್ತಿ.
ಮಯಾ ತಾಳ್ಮೆ ರ್ಹಯಲ ವ್ಹೈ, ದಯಾ ರ್ಹಯಲ ವ್ಹೈ, ಮಯಾ ಅಸೈ ಕರಲೆತು ನೈ; ಹೊಗಳಿ ಲೆತು ನೈ; ಅಹಂಕಾರ ನೈ ಕರಲೆತು. ಮಯಾ ಸರಮ ಲಾವಾನಾ ಕಾಮೊ ಕರ್ತು ನೈ; ಸ್ವಾರ್ಥಿ ನ್ಹವೈ ವರಿ ಜಲ್ದಿಜ಼ ಶಿಟ್ಟ ಥಾತು ನೈ; ತಿನೆ ಥಯಲ ಕೆಟ್ಟ ಶೆ ನೈ ಕರ್ತು. ಮಯಾ ಕೆಟ್ಟನಾ ಹುತಿ ಖುಶಿ ಥಯಾವಾಚಿ ಕ್ಹರಿನಾ ಹುತಿ ಖುಶಿ ಥಾವಸ. ಮಯಾ ಕ್ಹಾರುಜ಼ ತಾಳ್ಮೆಕ್ಹು ಸ್ವಿಕಾರ ಕರಸ; ಕೆಳಾಮಾಬಿ ಬರೊಕ್ಹೊ ಕರಸ; ಕೆಳಾಮಾಬಿ ನಿರಿಕ್ಷೆ ಕರಸ; ಕೆಳಾಮಾಬಿ ಘಟ್ಟ ಥೈನ ರ್ಹವಸ.
ಮಯಾ ಕೆಳಾಮಾಜ಼ ಕ್ಹರ್ತಿ ನೈ. ಪ್ರವಾದನೆ ಕರಾನಾ ವರಾ ಛೆ, ತೆನೈಸೊ ತೆ ಖಲಾಸ ಥಾವಸ. ಬಿಜಾ಼ ಬಿಜಾ಼ ಭಾಶಾಮಾ ಬೊಲಾನಿ ವರಾ ಛೆ, ತೆನೈಸೊ ತೆ ವರಾ ಖಲಾಸ ಥಾವಸ. ಗ್ಯಾನ ಕವಾನಿ ವರಾಬಿ ಛೆ, ತೆನೈಸೊ ತೆಬಿ ಖಲಾಸ ಥಾವಸ.
ಮಯಾ ನೈ ಕರಾಲೊ ಕ್ಹುದಾನೆ ವಳಕಾಲೊ ನ್ಹವೈ. ಕಾಕದ್ಯಾಮ ಕ್ಹುದಾ ಮಯಾನೊ ರುಪ ವ್ಹೈ.
ಮಯಾ ರ್ಹಯಲ ಜ಼ಗಾ ಭೆ ನತಿ. ಬುಚುಕ ರ್ಹಯಲ ಜ಼ಗಾ ಭೆ ರ್ಹವಸ. ತೆ ನೈಸೊ ಭೆ ನೆ ಮಾರಿಪಡಸ. ಬುಚಕಾಲೊ ಮಾಯಾಮ್ಮಾ ಪುರಾನೈ ಥಾತೊ ನೈ.
ಕ್ಹುದಾನಾ ಉಪ್ಪರ ರ್ಹಯಲ ಮಯಾ ಸು ವ್ಹೈ ಕದ್ಯಾಮ ತಿನಾ ಆಗ್ಯಾನಾ ನಿಂಗತ ಚಾಲಾನುಜ ವ್ಹೈ. ತಿನಾ ಆಗ್ಯಾ ವಜ್ಜು ನ್ಹವೈ.
ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ,