Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
ದೇವ್ನೆ ಆ ಜಗತ್ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್ಬಿ ಮರ್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್ಗಿ ಮಳ್ಣು ಕರಿ ಇನ ದಿದೊ.
ಹಮ್ಕೆ ಮೇ ತುಮೂನ ಏಕ್ ನವಿ ಹುಕುಮ್ ದೆವುಸ್ ತುಮೆ ಏಕ್ಥಿ-ಏಕ್ ಲಾಡ್ ಕರೊ. ಮೇ ತುಮೂನ ಲಾಡ್ ಕರ್ಯೊತೆ ತಿಮ್ಮಸ್, ತುಮೇಬಿ ಏಕ್ಥಿ-ಏಕ್ ಲಾಡ್ ಕರ್ನುಸ್ಕರ್ನು. ತುಮೆ ಏಕ್ಥಿ-ಏಕ್ ಪ್ಯಾರ್ ಕರ್ಯಾತೊ, ತದೆ ತುಮೆ ಹರೇಕ್ ಜ಼ಣು ಮಾರ ಶಿಷ್ಯರ್ ಕರಿ ಮಾಲುಮ್ ಉಷೆ" ಕರಿ ಬೋಲ್ಯೊ.
ಕತೋಬಿ ಅಪ್ಣೆ ಪಾಪಿ ಹುಯಿರ್ಹವಾನಿ ವಖ್ಹ್ತೇಸ್ ಕ್ರಿಸ್ತನೆ ಅಪ್ಣಖ್ಹಾಜೆ ಮರೀನ್ ದೇವ್ನೆ ಅಪ್ಣಪರ್ ಇನಛಾ಼ತೆ ಪ್ಯಾರ್ನ ವತಾಳಿರಾಖ್ಯೊಸ್.
ಶನಕತೊ ಮರಣ್ಣರ್ಹವೊ, ಜಾನ್ನರ್ಹವೊ, ದೇವ್ದೂತರ್ ರ್ಹವೊ, ದುರಾತ್ಮರ್ಹವೊ, ಸೊರ್ಗನೊ ಅದಿಕಾರಿ ಕೊಯಿನ್ತೊ ಶಕಥ್ಥಿರ್ಹವೊ. ಹಮ್ಕೇನಿ ಬಾರೇಮರ್ಹವೊ, ಖ್ಹಾಮ್ಣೇನಿ ಬಾರೇಮರ್ಹವೊ, ಊಚು಼ರ್ಹವೊ, ಗಧಾರ್ಮರ್ಹವೊ, ನತರ್ ಉಬ್ಜಾ಼ವ್ಣಿಮ ಛಾ಼ತೆ ಬಿಜು಼ ಖೆವೂಸ್ರ್ಹವೊ ಅಪ್ಣೊ ಪ್ರಭು ಹುಯಿರ್ಹೋತೆ ಕ್ರಿಸ್ತಯೇಸುಮ ಛಾ಼ತೆ ದೇವ್ನಿ ಪ್ಯಾರ್ಥಿ ಅಪ್ಣುನ ಅಲಕ್ ಕರ್ಶೆಕೊಯ್ನಿ.
ಪ್ಯಾರ್ ಇನ ಭೀಡೆವಾಳನ ಖಿವು ಕೇಡ್ ಕರಾಕೊಯ್ನಿ. ಇನಖ್ಹಾಜೆ ಪ್ಯಾರ್ ಧರ್ಮಶಾಸ್ತ್ರನ ಭರ್ಪೂರ್ ಹುಯಿರ್ಹುಸ್.
ಪ್ಯಾರ್ ಘಣು ಖ್ಹಮಾಳಿಲ್ಯವಾಳು, ಪ್ಯಾರ್ ಗೋರ್ಕರಾವಾಳುಬಿ, ಪ್ಯಾರ್ ಪೇಟ್ನೊ ಬಳಾಪೊ ಕೊಕರಾನಿ, ಪ್ಯಾರ್ ಖ್ಹರೈಲೇಯಿಕೊಯ್ನಿ.ಅಜು಼ ಯೊ ಹಂಕಾರ್ ಕರಾಕೊಯ್ನಿ. ಯೊ ಬಿಜೇಕ್ಜ಼ಣಾನಿ ಖ್ಹರಮ್ ಕಾಡಕೊಯ್ನಿ, ಇನ ಅಛ್ಛಾ಼ನಾಸ್ ಢೂಂಡಕೊಯ್ನಿ, ಒಗ್ಗೀಮ ಇರಾದೊಕರಾಕೊಯ್ನಿ, ಗಲತ್ನ ಗಣ್ತಿಮ ಘಾಲಕೊಯ್ನಿ. ಖರಾಬ್ಮ ಖುಷಿಕರಾಕೊಯ್ನಿ, ಖ್ಹಾಚ಼ನಿಜೋಡ್ಮ ಖ್ಹುಶಿಕರಸ್. ಅಖ್ಖಾನಸ್ ಲಪಾಡಸ್, ಅಖ್ಖಾಸ್ನ ವಿಶ್ವಾಸ್ಕರಸ್, ಅಖ್ಖಾಸ್ನ ಭರೋಖ್ಹೊ ಕರಸ್, ಅಖ್ಖಾಸ್ನ ಖ್ಹಮಾಳಿಲೇಸ್. ಪ್ಯಾರ್ ಕದೇಬಿ ಮಟಿಜಾ಼ಯಿಕೊಯ್ನಿ, ಪ್ರವಾದನೆ ಖ್ಹಾರುತೋಬಿ ಅಖ್ಖು ಮಟಿಜಾ಼ಶೆ, ಅಲ್ಹಾವ್ ಬೋಲಿ ಅಖ್ಖು ಭೀರಿಜಾಶೆ, ಪಢಂತ್ತೊ ಮಟಿಜಾ಼ಶೆ.
ಪ್ಯಾರ್ ನಾಕರವಾಳೊ ದೇವ್ನ ಮಾಲುಮ್ ಕರಿರಾಖ್ಯಕೊಂತೆ ಹುಯಿರ್ಹೊಸ್. ಶನಕತೊ ದೇವ್ ಪ್ಯಾರ್ವಾಳೊ ಹುಯಿರ್ಹೊಸ್.
ಪ್ಯಾರ್ ರ್ಹೇಸ್ತೆ ಹಿಜ್ಜಾ಼ ಡರ್ಕೊರ್ಹೇಯಿನಿ. ಡರ್ರ್ಹೇಸ್ತೆ ಹಿಜ್ಜಾ಼ ನಿಶತ್ ರ್ಹೇಸ್. ಕತೋಬಿ ಭರ್ಪೂರ್ ಪ್ಯಾರ್ ಡರ್ನ ಮಾರಿನಖ್ಹಾಡಿದೇಸ್. ಡರವಾಳೊ ಪ್ಯಾರ್ಮ ಪೂರ ಹುಯಿರ್ಹವಾಳೊ ಕಾಹೆ.
ದೇವ್ನ ಪ್ಯಾರ್ಕರ್ವಾನು ಕರಿ ಬೋಲ್ಯುತೊ ಇನೆ ದಿದೊತೆ ಹುಕುಮ್ನ ಲೀನ್ ಚಾ಼ಲ್ವಾನುಸ್ ಹುಯಿರುಸ್. ಇನು ಹುಕುಮ್ಖ್ಹಾರು ಅಪ್ಣುನ ಕಠಣ್ ಶಾತ್ಬಿ ಕಾಹೆ.
ಕತೋಬಿ ದೇವ್ನ ಆತ್ಮಾಥಿ ಉಬ್ಜಾ಼ನು ಫಲ್ ಶಾತ್ಕತೊ, ಪ್ಯಾರ್, ಶಂತೋಖ್ಹ್, ಸಮಾಧಾನ್, ಖ್ಹಮಾಳಿ ರ್ಹವಾನು, ದಯಾ, ಬಿಜೇಕ್ನ ಮದತ್ಕರಾನು, ವಿಶ್ವಾಸ್, ಆಸ್ಹುಯಿರ್ಹುಸ್.