ಯೋನನಿ ಪ್ರಾರ್ಥನೆ
1 ಮಾಚ್ಲನ ಪೇಟ್‍ಮಾಥೊ ಯೋನ ಇನೊ ಯೆಹೋವಾ ದೇವ್ ಯಾದ್‌ಕರಿನ್ ಅಮ್ ಪ್ರಾರ್ಥನೆ ಕರ‍್ಯೊ.
2 "ಮಾರಿ ಖ್ಹತಾವ್‌ಣಿಮ ಯೆಹೋವ ದೇವ್ನ ಪ್ರಾರ್ಥನೆ ಕರ‍್ಯೊ,
ಇನೆ ಖ್ಹಂಜಿಲಿದೊ. ಪಾತಾಳಂನಮ್ಹೈತು ಮದತ್ ಮಾಂಗ್ಯೊ.
ಮಾರಿ ಪ್ರಾರ್ಥನೆ ತು ಖ್ಹಂಜೊ.
3 ತುಸ್ ಮನ ಗಧಾರ್‌ಮ ಫೆಕಿರಕ್ಯೊಸ್.
ತುಸ್ ಮನ ದರ‍್ಯಾವ್‍ನು ಗರ್ಬಮ್ಮ ಫೆಕಿರಕ್ಯೊಸ್.
ಕೆತ್ರೊಕ್ಕಿ ತಾರೊ ದರ್ಯವ್‌ನೊ ಪ್ರವಾಹಂ ಮರ ಅಶ್ ಪಿಶ್ ಚಾ;
ಜೊರೆಖ್ಹು ದರ್ಯವ್‌ನೊ ಡರವನು ಅವಜ್ ಬುಜು ಕೆತ್ರೊಕ್ಕಿ ಝೋಕಾಳೊಖ್ಹರು ಮರ ಉಪ್ಪರ್ ಉಳುಜಸ್!
4 ತಾರ ಸನ್ನಿದಿಮತು ಮೆ ದಕ್‍ಲೈಗೊ ಕರಿ ಸೊಚಿಲ್‍ದೊ
ರೈತೊಬಿ ಮೆ ತಾರಿ ಪವಿತ್ರ ಮಂದಿರ್‌ಮ ಪಾಛೊ಼ ಡೊಳಪಡಿನ್ ದೆಖುಸ್.
5 ಪಾಣಿಮ ಡುಬಿನ್ ಮಾರೊ ಜಾನ್‌ ಜಾವಾನ ಆಯೊಥೊ.
ದರ‍್ಯಾವ್ ಮಾರ ಉಪ್ಪರ್ ಮೂಚಯಿರ‍್ಹೊಥೊ.
ಮಾರ ಮಾಥಪರ್‌ ಕಾಂಝಿ ಲೋಥಯ್‌ರ್‍ಹುಥೂ,
6 ಫಾಡ್‍ಣ ಜಡ್‍ಮ ಮೆ ಥೊ.
ಮುಚೈಗಯು ಕದೇ ಕದೇಬಿ ಜಮೀನ್‌ನು ದರ್ವಾಜು ಖ್ಹರು ಮಾರ ಪೀಠೆ.
ರೈತೊಬಿ ತು ಮನ ಬಚಯೊ ಗದರ್ ಮತು
ಓ ಮಾರೊ ದೇವ್ ಯೆಹೋವ
7 ಮಾರೊ ಜಾನ್‌ ಮಾರಾಮತು ನಿಕ್ಳಿಗಯೊ ಕರಿ ಸೊಚ್ಯೊ
ದೇವ್ ಯೆಹೋವ ಮೇ ತುನ ಪ್ರಾರ್ಥನೆ ಕರುಸ್,
ತಾರಿ ಪವಿತ್ರ ಮಂದಿರ್‌ಮ.
ತದೆ ಮಾರಿ ಪ್ರಾರ್ಥನೆ ನ ತು ಖ್ಹಂಜಿಲಿದೊ.
8 ಜ್ಹುಟಿ ವಿಗ್ರಹಂ ನ ಪುಜಕರವಳು
ಇವ್ಣೆ ಗೋರ್‌ನ ದಕ್ಲಿದೆವಳು
9 ಮೆತೋಬಿ ತುನ ಗಿದ್ ಬೊಲಿನ್ ಉಂಚೊ ಅವಜ್ ಥಿ ಖ್ಹರೈನ್ ಬಲಿ ದೀಶ್.
ಮೆ ತುನ ಕರಿರಕ್ಯೊಸ್ತೆ ಕಬೂಲ್ ನ ಕರುಸ್
ಯೆಹೋವ ದೇವ್ ಥೀಸ್ ಮನ ಜಿತ್‍ಮಳ್‍ಶೆ."
10 ತದೆ ಯೆಹೋವ ದೇವ್ನೆ ಮಾಚ್ಲನ ಹುಕುಮ್ ದಿನ್, ಯೋನನ ಕನಾರೆಲಾಯಿನ್ ಬಹರ್ ಓಕ್ರಿದಿದು.