Ânimo

परमेशरो री जोति मेरा उद्धार

1 यहोवा मेरी जोति ए जो माखे बचाओई।

आऊँ केसी ते नि डरदा।

यहोवा मेरी रखवाल़ी आपू करोआ ओर आऊँ कदी बी चिन्ता नि करदा।

39 तार्मिक माणूंए खे यहोवा आपू बचाओआ,

मुसीबता रे बखते से तिना रा मजबूत गढ़ ए।

3 जेस दिने मैं ताखे आका पाईया, तेस ई दिने तैं मेरी सुणी ली

ओर तैं माखे तागत देई की मेरी ईम्मत बढ़ाई।

13 मसीह रे जरिए जो माखे सामर्थ देओआ तिदे आऊँ सब कुछ करी सकूँआ।

6 और माखे एते गल्ला रा विश्वास ए कि परमेशरे जिने तुसा रे खरा काम शुरू करी राखेया, तेस ई से काम जेबे यीशु मसीह फेर वापस आऊणा तेस दिनो तक पूरा करना।

7 परमेशर आसा खे डरपोक नि बणांदा। बल्कि तेसरा आत्मा आसा खे मजबूत बणाओआ, से आसा खे ओरी साथे प्यार करने और सब्र राखणे रे मताद करोआ।

11 कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।

16 तेबे इस्राएली लोके ज्वाब दित्तेया, "यहोवे खे छाडी की दूजे देवतेया री सेवा आसा कदी नि करनी; 17 कऊँकि म्हारे यहोवा परमेशरे ई आसे ओर मारे बुजुर्ग मिस्र देशो रिया गुलामिया ते निकयाल़ी की ल्याये ओर आसा सामणे बऊत चमत्कार कित्ते। जेबे आसे जिना-जिना जगा रिये ऊँदे ऊए गये तेती तिने म्हारी रक्षा कित्ती।

6 इजी बजअ ते तुसे मग्न ओए, हालाँकि जरूरी ए कि एबे कुछ दिनो तक कई प्रकारा रिया परीक्षा री बजअ ते उदास रओ।

11 कऊँकि आऊँ तुसा खे मिलणे री बड़ी इच्छा करूँआ, ताकि आऊँ तुसा खे कोई आत्मिक बरदान देऊँ, जेते कि तुसे विश्वासो रे मजबूत ऊई जाओ। 12 मेरा मतलब ये कि आऊँ तुसा खे और तुसे माखे आपू बीचे एक दूजे खे विश्वासो रे मजबूत करिए। तुसे मजबूत ऊई जाणे कऊँकि तुसे जाणोए कि मैं किंयाँ विश्वास कित्तेया और आँऊ मजबूत ऊई जाणा कऊँकि आँऊ जाणूंआ ए कि तुसे किंयाँ विश्वास करोए।

16 इजी री खातर आसे ईम्मत नि छाडदे, हालाँकि आसा रा बारला रुप नाश बी ऊँदा जाओआ, तेबे बी आसा रा पितरला रुप हर रोज नया ऊँदा जाओआ।

11 इजी बजअ ते एकी-दूजे खे औंसला देओ और एकी-दूजे री विश्वासो रे मजबूत ऊणे खे मताद करो, बल्कि तुसे एड़ा करो बीए।

7 इजी री खातर ओ प्यारे साथी विश्वासियो! आसे आपणी मुसीबत और क्ल़ेशो रे तुसा रे विश्वासो रे बारे रे सुणी की तुसा रा विश्वास यीशु मसीह रे बऊत मजबूत ए आसे शान्ति पाई।