Ânimo
O ânimo vem de Deus. Ele nos fortalece, nos encoraja e renova nossas forças. Quando o desânimo chega, as promessas de Deus nos levantam e nos impulsionam a seguir em frente.
यहोवा मेरी लौ ते मेरी मुक्ति आहे;
अवं कैस करां डेरि?
यहोवा मेरे ज़िन्दगरो मज़बूत क़िलो ठहरोरोए,
अवं कैस करां डेरि?
धर्मी लोकां केरि मुक्ति यहोवारे
तरफां भोतीए;
मुसीबतरे वक्ते तै तैन केरो मज़बूत क़िलोए।
ज़ैस दिहैड़ी मीं तू पुकारो, त तीं मेरी शुनी,
ते मीं मां ज़ोर देइतां हिम्मत दित्ती।
ज़ै मीं ताकत देते तैस मां अवं सब किछ केरि बटताईं।
ते मीं इस गल्लरो भरोसोए, कि परमेशरे तुसन मां रोड़े कम्मेरी शुरुआत कियोरीए, तैए तैस कम्मे यीशु मसीहेरे वापस एजनेरे दिहाड़े तगर पूरू केरेलो।
किजोकि परमेशर अस डरपोक नईं बनावरे बल्के तैसेरो आत्मा इश्शे दिलन मज़बूत केरते, ते मद्दत केरते कि अस होरि लोकन सेइं प्यार केरम ते ताके आपे कैबू मां रखम।
किजोकि यहोवा एन ज़ोते, कि ज़ैन-ज़ैन अवं तुश्शे लेई सोचताईं तैन अवं ज़ानताईं, तैन नुक्सानेरे लेई नईं, बल्के सुखेरू आहे ते आखरी मां तुश्शी उमीद पूरी केरेलो।
तैखन लोकेईं जुवाब दित्तो, "यहोवारी सेवा छ़ेडतां होरि देबतां केरि सेवा केरनी असन करां दूर राए; किजोकि इश्शो परमेशर यहोवा तैए ज़ैनी असां ते इश्शे दादे पड़दादे गुलैमरे घरे मरां, मतलब मिस्र मुल्खे मरां केढतां आनोरेम, ते इश्शे सामने बडे-बडे चमत्कार किये, ते ज़ैस बत्ती पुड़ ते ज़ेत्री कौमन मांमेइं अस च़ेलतां निसोरे थिये तैन मां इश्शी हिफाज़त की;
तुसेईं इन सेब्भी चीज़ां केरे बारे मां खुश भोवरू लोड़े, चाए हुना किछ वक्तेरे लेई अलग-अलग किसमेरी मुसीबतां तुसन दुखी केरतिन।
किजोकि अवं तुसन सेइं मिलनेरे लेई इच्छा केरताईं, कि अवं तुसन कोई आत्मिक वरदान देईं, ज़ैस सेइं तुस विश्वासे मां मज़बूत भोथ। मतलब इन, कि अवं तुसन कां एइतां तुसन सेइं साथी तैस विश्वासेरे ज़िरिये, ज़ै मीं मां ते तुसन मांए, तैसेरे ज़िरिये अस हिम्मत हासिल केरम।
एल्हेरेलेइ अस दिलेरी न शारम; अगर इश्शी बेइरीं इन्सानयत नाश भी भोए, त फिरी भी इश्शी एंत्रीं इन्सानयत रोज़ नव्वीं भोती रहतीए।
एल्हेरेलेइ एक्की होरि हिम्मत देथ, ते एक्की होरेरी तरक्की भोनेरी ज़िरियो बना, लगातार, तुस एरू केरतथ भी।
एल्हेरेलेइ हे ढ्लाव, अपनि सारी तंगी, ते मुसीबतन मां तुश्शे विश्वासे सेइं असन शान्ति मैल्ही।