Ânimo
O ânimo vem de Deus. Ele nos fortalece, nos encoraja e renova nossas forças. Quando o desânimo chega, as promessas de Deus nos levantam e nos impulsionam a seguir em frente.
నంగె జొహొర కిత్తిసరి ఏవణఇఁ పాయిఁ నాను తాడెపురుతి కియ్యలిఆడ్డిఇఁ.
మహపురు మీఅఁటి ఈ నెహిఁ కమ్మతి కిత్తెసి జీసు క్రీస్తు వెండె వాని దిన్నతక్కి ఏ కమ్మ కియ్యలితక్కి బర్రె రాప్హెసి. ఇది నా గట్టి నమ్మకొమి.
మహపురు మంగెకి సొక్తి, జీవునొనని, అంగత మన్ని ఆత్మతి బ్డాయు హియ్యతెఎఁ సమ్మ అజ్జిని మన్ని ఆత్మతి నింగెకి హిహంజొఒసి.
ఈదఅఁ పాయిఁ, మీరు హారెఎ రాఁహఁ ఆహీఁజెరి. సమ్మ ఆతిఆఅ తయిపరియఁ ఆహీని పాయిఁ, నీఎఁ కొచ్చెక కాలతక్కి, మింగె డొండొ హింసయఁ వాహీను.
నాను మిమ్మఅఁ హేరికియలివలె ఇంజిహిఁ హరెక ఆస ఆహిఁ మఇఁ ఏనఅకి ఇచ్చిహిఁ మింగెకి ఆత్మ వరొమిక ఆతి ఆసీర్వాదొమిక హియ్యలి ఏవి మిమ్మఅఁ బ్డాయు కియపువ ఇంజిహిఁ కోరుకొడ్డిమఇఁ. ఇది ఏనఅకి ఇచ్చిహిఁ రొఒణి నమ్మకొముతొల్లె రొఅతొఁ టీకణ ఆహిఁ మంజిహిఁ ఎల్లెకీహిఁ సాయొమి కివిఅయ్యలితక్కి.
ఏదఅఁతక్కి మాంబు నీర్స ఆహిహిల్లొమి. మా అంగయఁ దిన్న తక్కి దిన్న వాయహజ్జిహిఁ బిత్రబిత్ర ఏకొమిఎ మహపురు మిమ్మఅఁ పూని అంగలెహెఁ కిహిమంజనెసి.
ఏదఅఁతక్కి మీరు నీఎఁ కిహిమనిలెహెఁ రొఒసితక్కి రొఒతెరి ఆదకివిఆహిఁ బ్డాయుకివి ఆదు.
ఏదఅఁతక్కి తయ్యియఁ ఓడె తంగిస్కతెరి, మా డొండొ కాకులిత మీ నమ్మకొముతి మెస్సహఁ మీ తాణటి ఆద పాటొమి.