హెబ్రీ 6

1 ఇంజహఁ క్రీస్తు కబ్రు పాయిఁ ఆరొమిత మారొ వెచ్చి హాడ్డయఁ పిస్సహఁ, ఓడె గెల్పిఆని బకి హన్ను. లగ్గెఎతి కమ్మయఁ కోసొమి పాపుకెమాఆనయి, మహపురు లెక్కొ నమ్మకొమి, 2 బాప్తిసొమి, త్రాయు లెక్కొ కెస్కఇట్టినయి, హాతరఇ జీవుఒడ్డికినయి, కాలెఎ బిచ్చరలెహితి ఆరొమితి హాడ్డయఁ ఓడె కందయఁ కిఅఁరేటు తాకిను. 3 ఏవసి మహపురు హెల్లొహీతి మారొ ఎల్లెకీఁ కినొ.

4 నమ్మకొముతొల్లె హచ్చి రో మణిసి ఓడె ఏనికివ కెమాతొల్లె వానెసి ఏనికి వానెసి రో సరి ఉజ్జెడికిహఁ లెక్కొపురు సరిఆతి వరొమితి వండహఁ సుద్దుజీవు పాలిబాగహఁ, 5 మహపురు కత్తతి, వాహిఁమని కాలతి సొక్తియఁ వెంజహఁ ఏవరి రో వేల జియ్యుతి పిస్సహఁ పిట్టొవిఆతెహెఁ ఓడె వెండె మోనొమాస్కినయి. 6 ఏనఅఁతక్కి మహపురు మీరెఎసి ఏవరి ఓడె సిలువత మెత్హఁ ఏవణఇఁ నాడికితెరి, ఇంజహఁ ఏవరి మణుసుమారి కిహఁలి ఆఎ.

7 ఏనఅఁతక్కి ఇచ్చిహిఁ, బూమి లెక్కొ వాహి రీహిఁ మన్ని పియ్యు ఏయుతొల్లె ఉత్హిఁ ఏవసి డుహిఁహిఁ కమ్మకిహిఁ మన్ని అంబఅరివ పంట కంబికిహినరి మహపురు ఆస్రీవాదొమిక ప్ణానెరి. 8 ఇచ్చిహిఁ హాప్కతుప్పయఁ ఏ బూమి లెక్కొ నెయఁహఁ ఏది పాడఆఅతి సాపొమితకి గురిఆనె, హిచ్చుతొల్లె వెహఁ ఏది మెడ్గనె.

9 జీవుతి తోణెయఁతెరి, మాంబు ఇల్లెకీఁ జోలి మచ్చి సరి మీరు ఇచ్చెక ఇచ్చిహిఁ నెహిఁ జియ్యుత మన్నెరి ఇంజిహిఁ, జీణఆతి సంబదొమి ఆతి హాడ్డత నెహిఁ జియ్యుత మన్నెరి ఇంజిహిఁ గట్టిఎ నమ్మినొమి. 10 మహపురు మింగె నెహిఁ కినెసి ఆఎ, నెహిఁ మహపురు లోకుతక్కి మీరు సేబ కిత్తెరి, కిహిహిఁ మన్నెరి, మహపురు దోరుత మీరు తోసిమని జీవుతి మీ సేబతి మహపురు బాణఆఒసి. 11 మారొ ఏనఅతి కోసొమి హేడినయి ఏది ప్ణాని పత్తెక కత్తత తాణటి అంబఅసివ పూర్తితి నిజ్జెతొల్లె, ఆసతొల్లె మంజలి ఇంజిహిఁ మా ఆస. 12 మీరు నిస్తఆనిగట్టసిలెహెఁ మంజలివలె ఇంజిహిఁ మాంబు కోరిలొఒమి, నమ్ముతొల్లె, హొర్హిఁ, హీతి వాగ్దానొమి నీ కుట్మలెహెఁ పాటితరకి తొసలివలె ఇంజిహిఁ కొరినొమి

నిజ్జెఆతి మహపురు పర్మణ

13 మహపురు అబ్రాహాముఇఁ పర్మనొమి హితిసరి, తక్కి కిహఁ గొప్పగట్టసి హిల్లొసి ఇంజహిఁ తన్ని తోడు ఇంజిహిఁ వాగ్దానొమికితెసి. 14 అస్సులిఎ నాను నిన్నఅఁ ఆసీర్వాదొమి కియఇఁ, నీ కుట్మత హారెఎ గడ్డులోకు కిఇఁ ఇచ్చెసి. 15 ఇల్లెకిహఁ అబ్రాహాము హొర్హిఁ మచ్చి డాయు మహపురు తంగొకి పర్మణ కిత్తి టాయుతి పాటిసి. 16 మణిసియఁ కిహఁ కజ్జసి తోడు ఇంజిహిఁ పర్మణ కినెరి, ఏవరకి మన్ని గొడ్బతొల్లె సమాదానొమి తొహ్నె. 17 మహపురు తన్ని వాగ్దానమితి కత్తత తన్ని ఒణ్పుతి మాస్కఅన వాగ్దానొమితకి కుట్మఆతరకి ఎదాని ఒట్టు కిత్తెసి ఇంజహఁ వాగ్దానమితి తన్ని లెక్కొ బల్మికితెసి. 18 ఏదఅఁతక్కి రీ కత్తయ పాయిఁ బొంకొసి తాను హీని కోసొమి సినికినెరి ఆసతొల్లె గొప్ప వెస్సలితక్కి ఇల్లెకీఁ కిత్తెసి. 19 ఈ ఆసతి మా ఆత్మతక్కి చెదరన, వీడరేటు మంజహ మర్రలెహె తెర బిత్ర హోడ్నలెహెకినె. 20 మెల్కీసెదెకి సమయొమిత కాలెఎ కజ్జ పూజెరఆహఁ జీసు మా కోసొమి మా కిహిఁ తొల్లిఎ ఏదఅఁతి హోడితెసి.