Ânimo
O ânimo vem de Deus. Ele nos fortalece, nos encoraja e renova nossas forças. Quando o desânimo chega, as promessas de Deus nos levantam e nos impulsionam a seguir em frente.
बिधाता आसा मेरअ प्रैश्शअ ज़ुंण मुंह बच़ाऊआ।
हुंह निं कोही का डरदअ।
बिधाता करा मेरी फाज़त आप्पै अर
हुंह निं कधि फिकर करदअ।
धर्मीं मणछा बच़ाऊआ बिधाता आप्पै,
खरीए पलका हआ सह तिन्नां लै पाक्कै गहल़ा ज़िहअ।
तंऐं शूणीं मेरी पकार ज़ेभै मंऐं ताखा अरज़ किई,
तंऐं पाऐ हैअ दैई मुंह दी तराण।
मसीहा ज़ुंण मुल्है शगती दैआ तेऊ दी सका हुंह सोभ किछ़ करी।
मुंह आसा ऐहा गल्लो भरोस्सअ कि ज़ुंणी परमेशरै तम्हां दी बधिया काम करनअ शुरू किअ, तेऊ ई करनअ सह ईशू मसीहे फिरी एछणें धैल़ी तैणीं पूरअ।
परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
तेखअ दैनअ सारी परज़ा ज़बाब, "बिधाता छ़ाडी होरी देअआ-देबीए पूज़ा निं हाम्हैं कधि लोल़ी किई! अह परमेशर आसा म्हारअ सह ई बिधाता ज़ुंणी म्हारै दाद-बाब मिसर देशे गलामी का आणै काढी, हाम्हैं आसा तेऊए बडै-बडै नुआहरै च़मत्कार आपणीं आछी भाल़ै दै। ज़हा-ज़हा देशा जैंदरा बाती हाम्हैं आऐ: तेऊ किई तेथ हर ज़ैगा म्हारी फाज़त।
इना सोभी गल्ले बारै लागा तम्हां खुश हणअ च़ाऐ एभै थोल़ी घल़ी कई रंगे तकलिफी तम्हां दुखी किल्है निं करे।
किल्हैकि मेरअ दिल आसा तम्हां सेटा एछणा लै चाछल़दअ लागअ द, कि हुंह तम्हां लै आत्मिक बरदान दैई सकूं ताकि तम्हैं परमेशरे झींण अर विश्वासा दी पाक्कै होए। मेरअ बोल़णैंओ मतलब आसा इहअ कि हुंह च़ाहा इहअ कि हाम्हैं एकी-दुजै लै आपणैं मसीहा दी विश्वास करने बारै खोज़ी करै हैअ दैई सके।
म्हारअ मन्न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं।
एते तैणीं दैआ एकी-दुजै लै हैअ अर एकी-दुजै लै करा परमेशरा दी विश्वास पाक्कै हणां लै मज़त, ज़िहअ तम्हैं करा बी।
भाईओ, तैही हुई हाम्हां आपणैं सारै दुख-सांगटा दी थारै विश्वासा दी टेक्की रहणें गल्ला शूणीं खास्सी शांती।