Aniversario de casamento
O aniversário de casamento celebra a fidelidade de Deus na jornada do casal. Cada ano juntos é testemunho da graça divina que sustenta o amor na vida a dois.
Ikiavɨra Itir God uabɨ, dughiar aghuir kam e ganɨngi.
Kamaghɨn en naviba deraghtɨ, e bar akuegham.
Nɨ deragh en sure damutɨ, e uan ikɨrɨmɨrimɨn dughiam gɨfogham, an otefe.
E fofozir aghuim ikɨva, dughiaba vaghvagh deraghvɨra bizibar amuam.
Wit ko wainɨn ovɨziba azenibar aghua bar puvɨra bema, gumaziba da bagha bar akonge.
Ezɨ nɨ na gamizɨ kɨ nɨ bagha bar akongezir arazim, nan navir averiam bar a gizɨvagha,
wit ko wain gifongezir arazim guizbangɨra bar a gafira.
God kamaghɨn mɨkemezɨma, aning ua gumazir pumuning puvatɨ. Aning inivafɨzir vamɨra ikiam. Kamaghɨn amizɨ, God bizir pumuning isafuraghtɨ, gumazitam aning abighan kogham."
Gumazim o amizir igharaz darazigh ifongezim, arazir kaba an iti. A zuamɨra atarir puvatɨgha, arazir aghuibar gumazamiziba bar me gamua, igharaz darazir biziba bagha navim ikuvir puvatɨgha, uabɨ uan ziam fer puvatɨ. An akaba batozir arazim gamir puvatɨgha, uabɨra uabɨ gɨnɨghnɨzir puvatɨgha, zuamɨra navim isir puvatɨgha, arazir kurar me a gamibagh nɨghnɨghavɨra itir puvatɨ. An arazir kuraba bagha aguer pu. Puvatɨ, an agorogem guizɨn araziba bagha iti. Gumazamizir igharaz darazigh ifongeziba, bizir kaba men otivam. Me biziba bar da atertɨ, bizitam me abɨnan kogham. Egh me nɨghnɨzir gavgavir Godɨn itim ateghan kogham. Egh bizir aghuir me fogha iniamiba bagh mɨzuam ikɨva, osɨmtɨzibar dughiamɨn, me tugh gavgavigh irɨghan kogham.
Pol God mɨnabi
God, Krais Iesusɨn ingangarimɨn tuavimɨn, ian apangkuvigha, deragha ia gami. Kamaghɨn kɨ zurara ia gɨnɨghnɨgha uan God mɨnabi.
Nan amizir kɨ bar ifongezim, nɨn ganganim bar dera.
Nɨn mɨkarzim duar kuritam an itir puvatɨ.
Amizir igiamɨn onger akam
Nan roroar gumazir kɨ bar ifongezim,
kɨ an amuim,
ezɨ a bar na gifonge.
Ifongiar arazim, an avir mɨzariamɨn mɨn isi,
kamaghɨn ongarir ekiaba anemungan iburagham,
eghtɨ aperiar ekiaba izɨva anegɨvaghan kogham.
Gumazitam nan ifongiam givesɨ nɨghnɨgh, uan dagɨaba ko biziba isɨ na danɨngtɨ, tam tughatɨghan kogham.
Kɨ dagh ifueghan kogham.
Kɨ pura nɨ gifuegham.
Egh ia bar uarigh ifongegh. Arazir kam a bar arazir igharazibagh afira. Arazir kam, an arazir aghuir igharazibagh amima da bar deravɨram otiva, uari isa ingari.
Pol God ko mɨgɨava a mɨnabi
Dughiabar kɨ ia gɨnɨghnɨgha, ia bagha uan God mɨnabi.