Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Guizbangɨra, nɨ nan mɨkarzimɨn ingarir dughiam,
nɨ nan amebamɨn navir averiamɨn aven bar nan ingarizɨ,
nan mɨkarzim bar moghɨra iti.
Nɨ nan mɨkarzimɨn ingari,
ezɨ nan mɨkarzim bar deragha igharagha gari.
Kamaghɨn kɨ nɨn ziam fe.
Bizir nɨ ingariziba, da bar dera,
ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.
Kɨ uan amebamɨn navir averiamɨn aven modoghav ikia nɨmɨram irivima,
nɨ nan agharibar garima da ekɨva uari isavsuiki.
Nan amebam tɨghar na batamin dughiam,
nɨ faragha nan ganigha gɨfa.
Bar fomɨra, kɨ tɨghar nguazimɨn otivam,
kɨ nguazir kamɨn ikiasa nɨ ifongezɨ moghɨn dughiaba nɨ da osirigha gɨfa.
O God, kɨ manmaghɨra nɨn nɨghnɨzibagh fofogham?
Nɨn nɨghnɨziba bar avɨrasemegha bar pɨn iti,
ezɨ kɨ dagh foghamin tuaviba puvatɨ.
Ikiavɨra Itir God uabɨ, dughiar aghuir kam e ganɨngi.
Kamaghɨn en naviba deraghtɨ, e bar akuegham.
Nɨ deragh en sure damutɨ, e uan ikɨrɨmɨrimɨn dughiam gɨfogham, an otefe.
E fofozir aghuim ikɨva, dughiaba vaghvagh deraghvɨra bizibar amuam.
Nan ikɨrɨmɨrir kɨ itir kam, a nɨn agharimra iti.
Nan amebam na batezɨ dughiamra, nɨ na geghuva deragha nan gara iza datɨrɨkɨn.
Kamaghɨn, kɨ nɨn ziam zuraram a fam.
Kɨ bizir vamɨra bagha Ikiavɨra Itir Godɨn azaragha gɨfa.
Bizir kɨ bar ifongezimra kara:
kɨ angamɨra itir dughiamɨn, kɨ an Dɨpenimrama aven ikiam.
Kɨ an ganganir aghuimɨn gan an boroghɨn ikɨ bar akueghasa.
Kɨ an Dɨpenimɨn ikɨ a baghvɨra ikɨva an nɨghnɨzim gɨfofoghsɨ an azangam.
O God, nɨ nan amebamɨn navir averiamɨn na inigha azenan na atɨzɨ,
kɨ uan amebamɨn otem apavɨra itima,
nɨ na geghuva deragha nan gari.
Nan amebam na batezir dughiamɨn iza datɨrɨghɨn, kɨ nɨghnɨzir gavgavim nɨn iti.
Nan amebam na batezir dughiamra, nɨ nan Godɨn iti.
Kɨ otarir kam uabɨ danɨngasa Ikiavɨra Itir God ko mɨgɨa an azangsɨsi, ezɨ a nan azangsɨzim ikara.
Nan amebam borir igharazir tam batezir puvatɨ, a nararam ote, egha a bar na gifonge.
Ezɨ kɨ aghɨrimra itir dughiamɨn uan afeziamɨn dɨpenimɨn itima,
a nan sure gamigha kamaghɨn na mɨgei,
"Nan akam deraghvɨram a inigh uan navim datɨgh, egh an gɨn mangɨ, egh nɨ bar deraghvɨra ikiam.
Ia Ekiam ko porogh ikɨ egh zurara bar akongegh. Kɨ ua mɨgei, ia bar akongegh.
Ezɨ borim aghuiga gavgafi. Ezɨ fofozir aghuiba bar a gizɨvazɨ, God arazir aghuibar a gami.