Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Neeni ta giddo asatetsaa ubbaa med’d’aadda;
ta aatti uluwaan taana neeni waas’a med’aadda.
Neeni taana malalissiyaabaanne ooratsabaa ootsaade med’d’eedda diraw,
taani neena galatay.
Ne oosotuu malalissiyaawantta!
Taani k’ay hewaa wurssaade eray.
Taani geema sa’aan med’ettiyaa wode,
ta mek’etsatuu neeppe geemmibeyikkino.
Ta bollay ta aatti uluwaa c’iimmaa giddon
hiillan alleek’k’ettiide oosettiyaa wode,
yelettibeenna ta asatetsaa ne ayifii be’eedda.
Biro ittuunne doomettennan de’ishshin,
taw neeni giigiseedda gallassatuu ubbatuu
ne mazggobiyaan s’aafetteeddino.
Abeet S’oossaw,
ne k’ofatuu ayaa c’oratteeddinoo!
Unttuntta eranawe ayaa waayissii!
Hawe gallassay Med’inaa Goday med’eedda gallassaa.
Ane nuuni an nashettoyttenne ililoytte.
Hewaa diraw, nu laytsaa bessiyaawaadan,
go"etana mala aad’d’eeda eraa nuuna tamaarissa.
Taani yelettiyaa wodiyaappe doommaade neenan zemppaad;
ta aatti uluwaappe wod’d’oodeppe doommaade,
neeni taana naagaadda.
Ubbaa gedekka ta galatay neessa.
Taani Med’inaa Godaa ittibaa oochchaad;
Taani hewaa koyaad;
hewenne, taani ta de’uwaa laytsaa ubbaan,
Med’inaa Godaa golliyaan de’anawaa;
k’aykka taani Med’inaa Godaa lo"otetsaa be’anawaanne
Aa Golliyaan Aa koyanawaa.
Gidooppenne, taana ta aatti uluwaappe suure yeliseeddawe neena;
ta aatti d’antsaa d’ammiyaa wodekka taani ammanettanaadan ootsaadda.
Taani yelettoodeppe doommaade neenan dic’c’aad;
ta aatti uluwaappe doommaadekka, neeni ta S’oossaa.
Taani ha na’aa yelanaw woossina, Med’inaa Goday taani Aa woosseeddawaa immeedda.
Taani ta huup’iyankka ta aabboo na’aa; ta aatiwukka Aa siik’iyaa mes’s’i itti na’aa. Ta aabbu taana tamaarissiidde, hawaadan yaageedda; «Taani odiyaawe new gelo; ta azazuwaa naaga; yaatooppe, neeni pas’a de’ana.
Godaanna hinttenttu de’iyaa de’uwaan ubbaa wode nashettite; taani hawaa gujjaadekka gay; nashettite.
Guutsa na’aykka dic’c’iiddenne minniidde beedda; aad’d’o eraankka kumeedda; S’oossaa aad’d’o keekatetsay Aa bollaan shemppeedda.