Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
तंऐं आसा मेरी देही भितरे सोभै गल्ला बणाईं दी,
मेरी आसा आपणैं हाथै मेरी माए ओदरै हुंह बूणअ द।
हुंह करा तेरअ शूकर किल्हैकि ताखा लागा डरनअ ई,
ज़ेऊ साबै तंऐं हुंह बणाअं सह आसा बडअ ज़बर अर नोखअ!
ऐहा गल्ला समझ़ा हुंह ज़ाथी राम्बल़ै करै।
मेरी माए ओदरै ज़ोल़ै तंऐं
मेरै हाडकै-हाडकै बडै राम्बल़ै करै,
हुंह त गुप्त बझ़दअ लागअ द
पर ताखा निं मेरी किछ़ै च़ीज़ गुप्त आथी ती,
तूह त मेरै ज़ल्म हणैं का आजी मुंह बझ़दै भाल़अ लागअ द।
मेरै ज़ल्म हणैं का आजी थिऐ तंऐं
मेरी ज़िन्दगीए हर धैल़ै
आपणीं कताबा दी लिखी हेरै दै डाही।
हे परमेशर, तेरी सोठ समझ़णीं आसा मेरै बशा का बागै,
तेता निं कुंण गणी सकदअ कि सह केतरी आसा।
ऐहा धैल़ी आसा बिधाते ज़ीत हुई दी,
अह धैल़ी मनाऊंणी हाम्हां खुशी।
हाम्हां लै दै एही अक्ल कि ज़ुंण थोल़ी ज़ेही ज़िन्दगी हाम्हां का आसा,
सह लोल़ी ती हाम्हैं भली भांती काटी ज़ाणीं।
मेरी सारी ज़िन्दगी आसा तेरै ई आसरै।
तूह आअ मुंह मेरी ईजै ओदरा ओर्ही मेरी फाज़त करदी।
मुंह करनी सदा तेरी ई ज़ै-ज़ैकार।
मंऐं मांगअ बिधाता का एक्कै बरदान,
हुंह च़ाहा सिधअ इहअ कि
मुंह रहणअ सारी ज़िन्दगी बिधाते घअरै,
ताकि हुंह तिधी कबल्ली बिधाते महान भलाई भाल़ूं
अर बिधाता का हर बगत सलाह मांगूं।
पर हे बिधाता, तंऐं काढअ हुंह मेरी माए ओदरा का संसारै राज्ज़ी-राम्बल़अ,
च़ूई झुटणें अमरा ओर्ही आअ तूह मुंह बच़ाऊंदी।
ज़धू हुंह हुअ, तधा ओर्ही आसा हुंह तेरै ई आसरै अर
मेरी माए ओदरा ओर्ही आसा तूह मेरअ परमेशर।
अह आसा सह ई शोहरू ज़ेता लै मंऐं बिधाता सेटा अरज़ किई ती, अर बिधाता दैनअ मुल्है ज़िहअ मंऐं मांगअ तिहअ ई।
हुंह बी थिई एकी धैल़ै होछ़ी लान्हीं,
आपणैं ईजा-बाबे कल्ही शोहरी।
मेरअ बाब दैआ त मुल्है एही शिक्षा,
"ज़िहअ हुंह खोज़ा तेता डाहै आद, बिस्सरुई निं आथी।
तूह करै तिहअ ई ज़िहअ हुंह बोला, तै रहणअ तूह ज़िऊंदअ।
प्रभू दी रहा सदा नंद, हुंह बोला एता तम्हां लै भिई कि नंद रहा!
शोहरू लागअ बढदअ अर जोधअ हंदअ अर अक्ली दी लागअ भरपूर हंदअ अर परमेशरे झींण ती तेऊ दी।