Aniversário de idoso

मुक्ति देनेरे लेई परमेशरेरू शुक्र

1 यहोवारू शुक्र केरा। किजोकि तै भलोए;

ते तैसेरो प्यार हमेशारोए!

24 अज़ तै दिहाड़ीए ज़ै यहोवा बनेवरीए;

अस इस मां मघन ते खुश भोम।

परमेशर धर्मी मैन्हु मुक्ति देनेबालोए

1 अवं हर वक्त यहोवारू शुक्र केरेलो;

ते तैसेरी तारीफ़ लगातार मेरी ज़बानी पुड़ राहेली।

7 यहोवा मेरी ताकत ते मेरी ढाले;

तैस पुड़ भरोसो रखने सेइं मेरे मने मद्दत मैलतीए;

एल्हेरेलेइ मेरो दिल खुशे;

ते अवं गीत ज़ोइतां तैसेरू शुक्र केरेलो।

7 तीं मेरे दिले मां तैस करां जादे खुशी भरोरीए,

ज़ै तैन्न अन्न ते दाछ़रे रस बड़े जादे भोने सेइं भोतीए।

11 तू मीं ज़िन्दगरी बत हरालो;

तेरे नेड़े बड़ो आनन्दे,

ते तेरे देइने हथ्थे मां सुख हमेशारे लेई बनेरू रहते*।

4 अक बर मीं यहोवा करां मगोरूए,

तैसेरे लेई कोशिश केरतो रेइलो;

कि अवं ज़िन्दगी भर यहोवारे भवने मां रेईं सेकी

ज़ैस सेइं यहोवारी महिमा पुड़ नज़र लेइतां रेखी,

ते तैसेरे भवने मां ध्यान केरतो रेईं।✝

12 असन अपने ज़िन्दगरे दिहाड़े गन्नेरी समझ़ दे, कि अस अक्लमन्द भोइ गाम।

31 सुफेद बाल शोभारू ताज ठहरतन;

तैना धार्मिकतारे बत्ती पुड़ च़लने सेइं हासिल भोतन।

29 जुवाना केरि शोभा तैन केरि ताकते,

पन बुढां केरि शोभा तैन केरे सुफेद बाल भोतन।

31 पन ज़ैना यहोवा बलगतन; तैना नंव्वी ताकत हासिल केरते गाते, तैना उकाबा केरे ज़ेरे उडरेले, तैना दौड़ेले ते थकेले न, च़लेले ते थकावट मैसूस न केरेले।

10 ते हुनी हेर, ज़ैखन यहोवा मूसे सेइं एन वचन ज़ोवरू थियूं, तैखन करां 45 साल भोइ जेवरेन, ज़ैन मां इस्राएली लोक सुनसान ठारी मां हंठते फिरते राए; तैन मां यहोवा अपने ज़ोनेरे मुताबिक अवं ज़ींतो रखोरोइं; ते हुना अवं 85 सालां केरो भोवरोईं। 11 ज़ेत्री ताकत मूसेरे भेज़नेरे दिहाड़े मीं मां थी, तेत्री ताकत हेजू तगर मीं मांए; जंग केरनेरे ते किछ भी केरनेरे लेई ज़ेत्री तैस मौके मीं मां सामर्थ थी, तेत्री हुना भी मीं मांए।

24 यहोवा तीं आशिर्वाद दे, ते तेरी हिफाज़त केरे;

25 यहोवा तीं पुड़ अपने तुत्तरेरी लौ चमकाए*,

ते तीं पुड़ अनुग्रह केरे।

26 यहोवा अपनु तुत्तर तेरे पासे फिराए, ते तीं शान्ति दे।

2 मेरे ट्लारे दोस्त, मेरी प्राथना ईए, कि ज़ेन्च़रे तू आत्मिक तरक्‍की केरि राहोरोस, तेन्च़रे तू सेब्भी गल्‍लन मां तरक्‍की केरतो रास, ते तेरी जान भी राज़ी राए।