Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Lutogo kwa Nguluwi yanojile
"Mlonje malumbo kwa Mkulu Nguluwi kwa vila heye ka yanojile,
kwa vila igano lya kwimilila lya heye lyangikala mazuwa gose."
Ali ndo zuwa lyoyaliditile Mkulu Nguluwi,
ahyo tusangalale na kutowa luchenze.
Lutogo na kunoga kwa Nguluwi
Ndomtogola Mkulu Nguluwi mihela jeng’ha,
sileka hebu kulonga lutogo lwa heye.
Mkulu Nguluwi ndo mong’ho wa heni na ngawo ya heni,
nhumbula ya heni yangitumbila kwa heye.
Nakanhanza nani nditowa luchenze kwa nhumbula,
kwa lwimbo lwa heni ndangulonga malumbo kwa chiwalo cha heye.
Ila nakumha heni kusangalala kukulu mnhumbula,
kusinda hewo wawele na divai na nyhule kwa winji.
Kwangundajila nzila ya ukomu,
kuwa hamwe na hegwe kwangumemeza heni usangalalo wenele,
kuli moko wa hegwe uwele na mong’ho hana usangalalo mazuwa gose.
Mbuli imwe nandimlanda Mkulu Nguluwi,
ayo ndo ndilinguipala,
ndikale mng’handa mwa Mkulu Nguluwi
mazuwa geng’ha ga ukomu wa heni,
ndijese ng’hatu kunoga kwa Mkulu Nguluwi,
na kupala ulongozi wa heye kuli ng’handa ya heye.
Utulanguse kuvizela kota ukomu wa hetwe ndo uchefu,
leka tuwe na luhala.
Kuwa na mbuliza za usekulu ndo itaji lya ukulu,
lyangulawa kuli kikala kwa kutanganika.
Lutogo lwa wasongolo ndo mong’ho wa hewo,
kunoga kwa wasekulu ndo mbuliza.
ila weng’ha walingitumbila kwa Mkulu Nguluwi,
wopata mong’ho unyale.
Woguluka kwa mabawa kota ikungule,
wobilima ne kutoka,
wojenda ne kutweguka nhumbula.
Ila lelo ulole! Ndo miyaka makumi gane na jihano kulawila Mkulu Nguluwi vyoyalongase na Musa, mhela Waisilaeli vyonawali wokola kuchiwala. Kulawa mhela awo Mkulu Nguluwi, kota vyoyalonjile, nakandita ndiwe mkomu mbaka lehano na sambi ndina miyaka makumi nane na jihano. Ila nding’hali ndina mong’ho kota vyondiwele mhela wula Musa vyoyandajize. Ndina mong’ho wa kuweza kitowa ngondo ama kukola mijito jiyage joneche.
" ‘Mkulu Nguluwi nayawatambichize na kuwamila,
Mkulu Nguluwi nayawalole kwa isungu na kwa uganililo,
Mkulu Nguluwi nayawalajile kunoga kwa heye na kuwapani kikala goya.’
Mng’holozangu, ndangukuganila chila mbuli inojile na ndangukuganila uwe mkomu mlukuli kota vyouwele ukomu wa hegwe wa chimuhe.