Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Anumzamofo knare avu’avazanku muse hu zagamere
Ra Anumzamofona susu huntesnune. Na’ankure agra knare avu’ava hu’neranteankino, avesimaranteno knare’ma hunerantea avu’avazamo’a mevava huno vugahie.
Ama zagegna Ra Anumzamo tro hu’ne. Ana hu’neankita ama ana knafina musenkase huta trimpa frune manisanune.
Ha' vahe azampinti’ma agu’vazinia zamofo nunamune
Maka kna nagra Ra Anumzamofona husga hunente’na, Agri agi’a hentesga huvava hugahue.
Ra Anumzamo’a hankveni’ane, hankoni’ane mani’ne. Ana hu’negeno nagu’amo’a agripi me’nege’na namentintia nehugeno, agra naza nehie. Ana nehigeno nagu’amo’a tusi muse nehianki’na, muse zagame nehu’na susu huntegahue.
Kagra tusi’a muse’za nagu’afina ante avitenantankeno witine kasefa wainima vasagazageno rama’a hige’zama musema nehazama’a agatere’ne.
Hagi kagra nomani’zamofo kana naveri nehankeno, kagri tava’ontera musezamo’a avineteankina tamaga kaziga kzantega mani’nena musena huvava hugahue.
Ra Anumzamofona mago zanku antahigesue, Knare nagrira natresanigena kasefa’ma hu’nama manisnua kna’afina, Agri nompina manivava nehu’na, knare avu’ava’a nege’na, musena hunente’na Agri mono nompi mani’nena kama naverima hanigura kegahue.
E’ina hu’negu manitama vanuna kna’a rempi huramigeta knare antahi’zana enerita manita vamneno.
Fatgo avu’ava zama hu’zama nevaza vahe’mokizmia tu zamazokamo’a, kini fetori anunte antanintea kna nehige’za, ra agi nezamize.
Nehazave ramimofona hanave zamimo ra zamagia nezamie. Hianagi ranra vahera efe’zmazoka nege’za vahe’mo’za husga hunezmantaze.
Hianagi Ra Anumzamofonte’ma, amuha nehu’za zamentintima nehaza vahe’mo’za, kasefa hankave eneri’za tumpamo hiaza hu’za haresga hu’za vano nehu’za, zamagama resnazana zmasafekura nosu’za, kama vanazana zamavesra osugahie.
Hanki Kalepi’a mago’ane huno, Antahiho, maka Israeli vahe’mo’ma ka’ma mopafima mani’za neageno’ma, Ra Anumzamo’ma ama ana zanku’ma Mosesema asmi’nereti’ma e’neana, 45'a kafu evu’ne. Hanki nagrira natrege’na ana knafina ofri’noanki menina kafunimo’a 85'a kafu nehie. Hu’neanagi Mosese’ma hunantege’nama vu’noa zupama me’neankna hankave menina hankaveni’a zahufa me’neanki’na, amne vu’na e’na hu’na hara hugahue.
Ra Anumzamo’a asomu huneramanteno, kegava huramantegahie. Ra Anumzamo muse huneramanteno, tamazeri knare hugahie. Ra Anumzamo’a rukrahe huno avugosa huramino tamazeri knare nehuno, Agra’a rimpa fruzana tamigahie.
Ronenimoke, nagra nunamu nehuankino hakare zamo’a knare hugantena, kria e’orinka kagu’amo’ma hu’nea kna hunka knare hugahane.