Aniversário de idoso

1 Mbongeni uThixo ngoba ulungile,

uthando lwakhe lumi laphakade.

24 Leli lilanga alenzileyo uThixo;

kasithokoze sijabule ngalo.

1 Ngizamphakamisa uThixo ngezikhathi zonke;

indumiso yakhe izahlala isezindebeni zami.

7 UThixo ungamandla ami lesihlangu sami;

inhliziyo yami yethemba Kuye, ngiyancedwa.

Inhliziyo yami iyaqolotsha ngentokozo

njalo ngizambonga ngehubo.

7 Uyigcwalisile inhliziyo yami ngentokozo enkulu

eyedlula ubunengi bamabele abo lewayini labo elitsha.

11 Usungazisile indlela yempilo;

uzangigcwalisa ngokuthaba phambi kwakho,

ngenjabulo engapheliyo kwesokunene sakho.

4 Yinye into engiyicelayo kuThixo,

yilokhu engikudingayo:

ukuba ngihlale endlini kaThixo

zonke insuku zokuphila kwami,

ngibuke ubuhle bukaThixo,

lokuthi ngimdinge ethempelini lakhe.

12 Sifundise ukubala kuhle insuku zethu,

ukuze sizuze inhliziyo yenhlakanipho.

31 Inwele ezimhlophe zingumqhele wobukhulu,

zizuzwa ngempilo elungileyo.

29 Udumo lwamajaha lusemandleni awo,

izimvu zekhanda ziyinkazimulo yabadala.

31 kodwa labo abathemba uThixo

bazavuselelwa amandla abo.

Bazaqonga ngempiko njengezinkozi,

bazagijima kodwa bangadinwa,

bazahamba kodwa bangapheli amandla.

10 Ngakho-ke, njengoba uThixo wayethembisile, usengigcine ngiphila okweminyaka engamatshumi amane lanhlanu kusukela ngezikhathi lapho akhuluma lokhu kuMosi, u-Israyeli esazulazula enkangala. Ngakho nanku sengilapha lamuhla, sengileminyaka yokuzalwa engamatshumi ayisificaminwembili lanhlanu! 11 Lokhu ngisaqinile lanamuhla njengelanga uMosi angithuma ngalo; lokhu ngiselamandla okuyakulwa impi khathesi okufanana lalokho engangiyikho khona ngalesosikhathi.

24 "UThixo alibusise

njalo aligcine;

25 UThixo kakhazimulise ubuso bakhe phezu kwenu

njalo abe lomusa kini;

26 UThixo kakhangelise ubuso bakhe kini

njalo aliphe ukuthula." ’

2 Mngane wami othandekayo, ngiyakhuleka ukuba ube lempilo enhle lokuthi konke kukuhambele kuhle njengalokhu umphefumulo wakho uphila kuhle.