Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Sorok ni yibe pining nga feni manigil Got
Mu pininged e magaer ngak SOMOL, ya ir e mmanigil;
ma t’ufeg rok e bmanemus!
Re rran nem e reb e rran nrib fel’ nike ngongliy SOMOL;
ere ngad felfelan’gad ma gadad ngongliy e madnom!
Got nni pining e sorok ngak nga feni fel’
Gubin ngiyal’ ni bay ug pining e magaer ngak SOMOL;
ma bay ug pining e sorok ngak ndab gu tal.
SOMOL e ayuw rog ma yoror rog;
ma ir e ba pagan’ug ngak.
Ma pi’ e ayuw nge felfelan’ ngog;
gu ma pining e sorok ngak ko tang ni felfelan’.
Machane, felfelan’ ni kam pi’ ngog
e bagel boch ko felfelan’ ni yad ra tay
ko urngin e grain nge wayin rorad.
Bay mu dag ngog fare pa’ i wo’ ko yafos;
i gur e kam suguyeg ko felfelan’, ya ga bay rog,
ma ayuw ni ga be tay ngog e bay i pi’ e felfelan’ ngog ndariy n’umngin nap’an.
Kug wenignag ta’a ban’en ngak SOMOL;
ta’a ban’en e gu ba’adag,
nggu par u lan e naun rok SOMOL u n’umngin nap’an e yafos rog,
mu’ug ngat’ nga feni fel’ SOMOL,
mu gog ngak ngi i pow’iyeg.
Mu fil ngomad feni ngoch nap’an e yafos romad,
nge yag ni gu gonopgad.
Yafos nib n’uw nap’an e towa’th rok e pi’in nib mat’aw; ma manna’ u lolugenrad e ba te’elyaw nib gamog.
Gadad ma finey gelngin e pi’in kabpagel ma gadad ma tayfan e pi’in ke ilal nike manna’ lolgen.
Machane pi’in yad be toer ngak SOMOL ni nge ayuwegrad
e bay ra pir’eged nike yib gelngirad bayay.
Bay ra changeggad ngalang ni bod e arche’ ni eagle;
yad ra mil, ma dab ra magaergad;
ma yad ra yan, ma dabi m’ay gelngirad.
Machane chiney e amuguy. Ke gaman e aningeg i ragag nge lal e duw n’umngin nap’an ni yog SOMOL e ran’ey ngak Moses. Ngiyal’nem e nap’an ni ka be yan yu Israel u daken e desert, i SOMOL, e rogon ni micheg e ke teg ni kugub fos ke mada’ ko chiney. Mu changar ngog! Ke gaman e meruk i ragag nge lal e duw yangreg ma ka rogon fenag gel e chiney e ku bod rogon e ngiyal’ ni ba’aram ni l’oegeg Moses nggu waen ni damit. Ku gub gel ni ku rayag ni ngu’un ko mael ara demturug e mit i n’en.
I SOMOL e ngi i fal’eg wa’athmed ma be ayuwegmed;
I SOMOL e ngi i gol ngomed ma be runguymed;
I SOMOL e ngi i falan’ ngomed ma be pi’ e gapas nga laniyan’med.
Fager rog ni gab t’uf rog, gu be meybil ngak Got ni ngu’um par ni bfel’ rogom, ma dariy e lily rom — ni bod rogon ni gu manang ni bfel’ lanin’um.