Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Pachia Hoynaw Thehoysahnaw
Bawipaw tuh ahoy keiccuze
amaw kalan lungtuabya ho oh;
pawccecize atynpaw a sungsahnaw tuh
zungzae atyn.
E nin hynh Bawipaw nynh
a raepaw nin nynh thua;
e nin kyahin lungtua lungpawte um oh sih.
Luesahnaw keiccuze Thehoysahnaw
Bawipaw kha accyh takyh kya
ka thehoysah cih;
amaw thehoysahnaw kha
ka mung te po ka ho cih.
Bawipaw tuh ka thawzung te
ka khawriaphua nynh thua;
ka thinlung nynh amaw kha a doliaku;
tukeiccuze kae kha yn bawm zah,
ka thinlung tuh a lungtua,
amaw kha ka hlaw te the ka hoysah.
Looh te misutui patae hoi hae zah
mih lungtuanaw laeze,
ka thinlung kya lungtuanaw
nae pyapaw tuh alehua.
Kae kha hiinnaw laanpi nae muihsah.
Na umnaw kya lungtuanaw ccing zah,
na ranglang kuih kya
hoysahnaw zungzae a um.
Bawipaw kha uccaw ccangkheit ka ngiaku,
tuh-e tuh ka ccungkuh ung cih:
tuh-e tuh ka hiin lungkhu balyn
Bawipaw inn kya um khylan,
Bawipaw puithyanaw muih khylan te
amaw rynaw ccung khylan nynh thua.
Tukeiccuze kae ccyh riathyanaw kha
oun ccangpya tua,
tuhteze nynh kae thinlung
a haw kho cih.
Sang apawpaw tuh
phu-enaw bawilukhung nynh thua;
adingpaw hiinnaw nynh
tuh-e tuh a mue.
Mino hae phu-enaw tuh
mih thawzung nynh thua,
ataw hae paw puithyanaw tuh
mih sangpaw kha nynh thua.
thuasalama Bawipaw
a ngaehoikuh hae paw tuh
thawzung thawpaw a hoi cih hae,
mosipi hawte mih sake te
a zouthung cih hae,
a ccue hae ze bang lan khyh hae,
a ccia hae zemah mih thawthang lan khyh.
Te atu, na ny vae hawte, Israel hae nynh ramkaw kya a khiaku lya hae ze, Bawipaw nynh Moses kha hynh-e bya a hopya lya ccyh kyate kum sung pali kum pangaw lungkhu, Bawipaw nynh a la ho thyhte yn hiinsah; te atunin tuh kum sung tarya kum pangaw ka cih vae. Moses nynh yn saw nin lya ka thawsae hawte atunin mah ka thawsae ung; rhawtuknaw elang te ccia bungthungnaw elang atu ka thawzung tuh khah lya-e ka thawzung hawmawte nynh athua ung.
Bawipaw nynh hythua ae pya oh sah lah, ae do-oih vae oh sah;
Bawipaw nynh nae tungvaw a mitmae awsah sah lah, thaw ae ccih vae oh sah;
Bawipaw nynh nae tungvaw maehoynaw ae pya oh sah lah, daenaw ae pya vae oh sah.
Ka sungsahpaw, pawpaw kya balyn hiinhoyte na um nawlan te na ngedan nawlan saw kae sangpya; na thinlung tuh daebabi lan a um cipaw ka ny.