Anjos

20 Ka Yusufu to a mirila wo ma, Maari la mɛlɛka ka a jɛrɛ yiraka a la sibo rɔ, ka a fɔ a yɛ ko: «Yusufu, Dawuda bɔnsɔn, i kana silan Mariyamu furu ko rɔ, baa Nii Sɛniman de ka a kɛ a ra kɔnɔ ta.

5 Mɛlɛka ka a fɔ musoilu yɛ ko: «Ai kana silan. N ka a lɔn ko ai ye Isa le ɲininna, mɛn gbɔngbɔnni tɛrɛ jiri kan. 6 A tɛ yan, baa a ra wuli ikomin a ka a fɔ ɲa mɛn ma. A su lani tɛrɛ yɔrɔ mɛn dɔ, ai ye na wo ragbɛ.

53 I ma a lɔn wa ko n di se n Fa tarala ko a ye n dɛmɛn? Ni n ka a tara ten, a ri mɛlɛka kuru tan ni fila lana n dɛmɛn kanma sisɛn.

30 Mɛlɛka ka a fɔ a yɛ ko: «Mariyamu, i kana silan. I la ko ra diya Alla yɛ. 31 Awa i ri kɔnɔ ta ka dencɛ sɔrɔn. I ye a tɔɔ la ko Isa.

10 Kɔni mɛlɛka ka a fɔ ii yɛ ko: «Ai kana silan, baa n nani kibaro ɲuma le lase diya ai ma, mɛn di ai la jamana mɔɔilu bɛɛ lasɛwa kosɛbɛ.

14 «Gbiliya ye kɛ Alla yɛ mɛn ye sankolo rɔ. Jususuma ye kɛ mɔɔilu yɛ duukolo kan, mɔɔ mɛnilu duman a yɛ kɔnin.»

10 Isa ko: «A ragbɛ! Wo ɲa kelen ma, kojuu kɛla kelen pe wa tubi, Alla la mɛlɛkailu ri sɛwa.»

10 Ka ii ɲa lɔni to sankolo rɔ ka a watɔla ragbɛ, cɛɛ durukigbɛ tii fila nara i kɔrɔ ka ii lɔ ii tɔrɔfɛ. 11 Woilu ka a fɔ ko: «Kalilekailu, nfenna ai lɔni yan ka sankolo ragbɛ? Isa mɛn bɔni ai tɛma yan, ka wa harijeene rɔ, a ri na ikɔ tuun. A wani ɲa mɛn ma ai ɲana, a ri na ikɔ tuun wo ɲa kelen ma.»

Kaninteya la ko

1 Ni n kumara adamaden kanilu ni mɛlɛka kanilu rɔ, kɔni kaninteya tɛ n jusu rɔ, n kumakan kɛnin de wo rɔ ikomin talan kan ni sangban kan.

16 Sika tɛ a rɔ, Alla lɔn gbundu ko ka bon, wo le ten:

A ra yiraka faribanku rɔ,

Alla la Nii Sɛniman ka a la telenbaya yiraka,

mɛlɛkailu ka a yen,

a la ko kawandili bɔra siyailu tɛma

mɔɔilu lemɛniyara a ma dunuɲa rɔ,

a layɛlɛra gbiliya rɔ.

16 Ka a masɔrɔn, jamarili wa di kan nayɛlɛnin ba rɔ, mɛlɛka kuntii kan wa bɔ, Alla la buru wa fɛ, Maari jɛrɛ ri jii ka bɔ san ma. Wo rɔ, mɔɔ mɛnilu faani ii bilanin Ɲenematɔmɔnin kɔfɛ, woilu le fɔlɔ ye wulila saya rɔ. 17 Wo kɔ rɔ, andeilu mɛnilu wa to an nii la wo waati rɔ, an bɛɛ ri layɛlɛ woilu tɔrɔfɛ duru rɔ san ma jonna, an di wa Maari labɛn san ma. An di to Maari tɔrɔfɛ fanan habadan.

38 Baa n da a lɔn fewu, saya wala dunuɲaratɛɛ wala mɛlɛkailu wala jenailu wala waati ɲinilu wala waati rɔ ko natɔilu wala fankamailu 39 wala sankolo rɔ fenilu wala duu kɔrɔ fenilu, wala dalifen si, foyi tɛ wo rɔ, mɛn ye an bɔla Alla la kaninteya rɔ an ka mɛn sɔrɔn an Maari Isa Ɲenematɔmɔnin baraka rɔ.