Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
जत्यार चु हीनी वातेन वीच्यार मां पड़ रवलु ती मालीक भगवानेन सरग वाळु काहवाळ्यु तीना काजे सपनाम देखायन कह्वणे लाग्यु, "ए युसुफ! दावुदेन अवल्यात, तु बायर मरीयम काजे तारेन चां लावणे सी मां बीहे, काहाकी ज तेरा पेट मां छे, च चुखली-आत्मान भीणी सी छे।
सरग वाळु काहवाळ्यु तीनु बायरा काजे कह्यु, "मां बीहु, मे जाणो की तुहुंं ईसु काजे गुयु कुरुस पर चड़ावला तीना काजे हेरने बाजी रय। चु जां नी हय बाकुन आपणा बुल मां कवलु तसुत मरलाम सी जीवतु हय गुयु। आवु, चु जागु देख लेवु, जां मालीक काजे मेल्ला,
काय तु नी जाणे की आपणा बास सी मे लीलघाय्न कह्व, ने चु सरग वाळा काहवाळ्यान बारे टुळा सी बी जादा टुळु मारे धड़े हींताळ मकली देसे?
ती सरग वाळु काहवाळ्यु तीनीक कह्यु, "मरीयम, बीहे मां, काहाकी भगवानेन गीण-दया तारे पर छे। देख, तु भारीस हवसी ने तारु एक पुर्यु हवसे ने तु तेरो नाव ईसु पाड़जी।
बाकुन सरग वाळु काहवाळ्यु तीनुक कह्यु, "बीहु मां; सामळु, मे तुहुंं काजे बेसकी खुसीन एक खुस-खबर सामळावो, जी आखा माणसे वाटे रवसे।
"आखाम उचा सरगे मां भगवानेन सेक-सींगार हवे,
ने धरती पर रवण्या तीनु माणसेक सांती जड़से, तींद्रे सी भगवान खुस छे।"
मे तुहुंंक कहो ईनी रीते जत्यार एक पापी पाप करनु छुड़ देय, ने भगवानेन मरजीन अनसारे काम करने बाजी जाय ती भगवान आपसा सरग वाळा काहवाळ्या भेळ खुस हये।
ईसुक जातलु देखीन चेला सरगे भीणी एक हेट्या देख रवला, तत्यार धवळा पुथल्या पेहरला दुय अदमी तींद्रे धड़े आवीन उबा हय गुया, ने तीनुक कह्या, "ए गलील मां रहण्या माणसे, तुहुंं काहा उबा हय्न सरगे भीणी देख रया? हीयुत ईसु, जु तुंद्रे ईचमां सी सरगे मां हाकलाय गुयलु छे, ईनेत रीते अळी पछु आवसे, जसा तुहुंं हीनाक जातलु देखला छे।"
भगवानेन भक्तीन अनसारे जीवन जीवणु
तुहुंं ईसु मसी मां भाय-बहणस्या छे, हेरेसी एक दीसरा सी परम करता रहु। जे माणसे तुंद्रे घर आवे, तींद्री मेजवानी करनु घुण भुलु; काहाकी थुड़ाक जणा अंजाण्या माणसेन मेजवानी कर्या, ने अळी तीनुक मालम पड़्यो की, हामु ते जाणे बीगुर भगवानेन सरग वाळा चाकर्यान मेजवानी कर देदला।
परम आखा सी मटु छे
कदी मे माणसेन ने सरग वाळा काहवाळ्यान बुले बुलो ने परम नी राखो, ती मे ठण-ठणावती पीतळ, ने झणझणो करती झांझ छे।
तीनी छाचाय पर टेकीन आपणु भगवानेन भक्ती कर रया ची छाचाय पेहेल सातायली हतली बाकुन भगवान हय तीनी छाचाय काजे उजेंतु करलु छे हेरेम काय बी सक नी हय जी छाचाय बेसकी उंडी छे ने असी छे:
ईसु मसी डील मां उजेंतु हयु,
चुखली-आत्मा मां धरमी बण्यु,
चु सरग वाळा खबर लावण्या काजे देखाव पड़्यु।
आड़जात्या नी-यहुदी माणसे मां तेरु परचार हयु,
ईनी कळी मां माणसे तेरे पर भुरसु कर्या,
ने चु सेक-सींगार भेळु सरगे मां हाकलाय गुयु।
काहाकी तीने दाहड़े, पेहेल मालीक ईसु खुद सरगे सी उतेरतु जाय्न कुर्रु दीन बुलावसे। तीने टेमे एक मटला सरग वाळा खबर लावण्यान अवाज सामळायसे। एक सरग वाळु खबर लावण्यु, भगवान अगे सी फेप्या वाजाड़से। तत्यार जे ईसु मसी पर भुरसु करता जाय्न मर गुया, चे पछा जीवता हवसे। तत्यार आपणु बी जे जीवतेला रवसु, ने बचला रवसु, ईसुक भेळा हवणे करीन वादळा मां हाकलायन जासु। ईसुक मान्या आपणु आखा, सरगेम ईसु साते भेळा हवसु, ने असा करीन चां आपणु जलम मालीक ईसु पुठ्ये रवसुन।
जे जीत जाय, तीनाक हेरेन तसोत धवळा पुथल्या पेहरावसे, ने मे तेरो नाव जीवनेन किताप मां सी काहनी बी रीती सी नी काटो, बाकुन तेरो नाव मारु बास भगवान ने तेरा सरग काहवाळ्या अगळ मान लीस।
काहाकी मे छाचलीन जाणी लेदु की नी मुत, नी जीवन, नी सरग वाळा काहवाळ्या, नी हकदार, नी हय्न टेम, नी आवणे वाळी टेम, नी ताकत, नी उचाय, नी उंडाय, ने नी कुय अळी कळी आपणु काजे भगवानेन परम सी जे आपणा मालीक ईसु मसी मां छे, आन्गे नी कर सके।
Este artigo te tocou? Faça uma oração!
+581 estão orando agora.
Junte-se à corrente de oração.