Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
जब उ या बात का सोच मे थो ते प्रभु को एक स्वर्गदूत ओखे दृष्टान्त मे दिखानो अरु बोलन लग्यो. हे यूसुफ! दाउद की सन्तान खे तू मरियम खे अपनी बायको बनाना से डरे मत. क्युकी जो ओका पेट मे हइ, उ पवित्र आत्मा का तरप से हइ.
स्वर्गदूत ने बयहोन से बोल्यो, "मत डर, मी जानुस हइ की तुम यीशु खे जो क्रुस पर चेढायो गयो थो ढुढस हइ. उ ह्या नी हइ, पन अपना वचन का जसो उ जिन्दो उठ्यो हइ. आख या जगा खे देख कि झा प्रभु खे रख्यो गयो थो.
का तु नी समझस, कीमी अपना बाप से प्रार्थना करी सकुस हइ, अरु उ स्वर्गदूतहोन का बारा सेवक होन का सैन्य-दल से जादा मरा पास अभी हजर करी दिये?
स्वर्गदूत ने ओकासे बोल्यो हे मरियम डरे मत. क्युकी परमेश्वर को अनुग्रह तरा पर हुयोस हइ. अरु देख तू दिन से हुये अरु तरो एक बेटो परदा हुये. तोने ओको नाम यीशु रखनु.
जब स्वर्गदूत ने वुन, से बोल्यो. मत डर. क्युकी देख मी तुमखे खुप खुशी कि खुसखबर सुनउस हइ जो सब दुन्या का लिये हुये.
आकाश मे परमेश्वर की महिमा
अरु जमीन पर वे इन्सान मे जेने वु अनुग्रह हइ शांती हुये.
मी तुमसे बोलुस हय. कि या रीति से एक मन फिरानआलो पापी का बारे मे परमेश्वर को स्वर्गदूतहोन, सामने खुशी होस हइ."
ओका जाते टेम जब उ बद्दल का तरफ ताकी र्हो थो, ते देखनु दो अदमी सफेद कपडा पेन्या हुया उनका पास अय खडो हुया. अरु उनसे बोल्यो, "हे गलीली इन्सानहोन, तुम क्यु खडा बद्दल का तरफ देखी रा हइ? योइ यीशु जो तुम्हारा पास से स्वर्ग पर उठै लियो गयो हइ, जो रीति से तुम ने ओखे स्वर्ग, जाता देख्यो हइ वैइ रीति से उ फिर आये."
एक दुसरा मे विश्वासी भैइहोन को प्रेम बन्यो र्हेनु. मीजवान-सत्कार करणु नी भूलनु. क्युकि येका वजेसे कुछ दुन्याहोन अनजाना मे स्वर्गदूत को आदर-सत्कार कर्यो हइ.
अगर मी इन्सानहोन खे अरु स्वर्गदूतहोन की बोलिहोन बोल्यु, अरु प्रेम नी रख्यु, ते मी तो हुयो पीतल, अरु झझनाती हुइ झाझ हइ.
अरु येमे आंग नी कि भक्ति को भेद गम्भीर हइ:
अगर उ जो आंग मे प्रगट हुयो,
आत्मा मे न्यायी रुख्यो कि स्वर्गदूतहोन खे दिखाइ दियो,
गैरयहूदीयाहोन मे ओको प्रचार हुयो,
जगत मे ओका पर विश्वास कऱ्यो गयो,
अरु महिमा मे उपर उठायो गयो.
क्युकी प्रभु खुद ही स्वर्ग से उतरे. उ टेम पर बडो अवाज हुये खे अरु प्रधान स्वर्गदूत को शब्द को आवाज सुन्यो जायेका अरु परमेश्वर कि पिपडी फुकी जायेका अरु मसीह मे जो मऱ्या हइ, वे पैयले जिन्दा उठे. तब हम जो जिन्दा अरु बच्या ऱ्हीहे, ते उनका सात हवा मे बंद्दल पर उठ्यो लिये जायेका कि आकाश मे प्रभु से मीले, अरु अत: हम हमेशा प्रभु का सात मे ऱ्हीहे.
जो जय मील्हे वोखे यो रंगेरंग उजरा कपडा पेन्याया जाह्ये का अरु मी वोको नाम जिवन की किताब मे से कोय रीत से नी काट्यु. पन वोको नाम अपनो बाप अरु वोको स्वर्गदूतहोन का सामे मानी लिह्यु.
क्युकी मी निश्चित जानुस हुये की कोय हम खे ओका प्रेम से अलग नी करी सकस मरन, नी जिवन, नी स्वर्गदूत, नी खराप शासन, नी वर्तमान, नी भविष्य, नी सामर्थ्य, नी उचो, नी पृथ्वी गैरो, अरु नी कोय अरु पृथ्वी कि उचाइ, अरु नी जगत मे असी कोय नी हइ जो हम खे परमेश्वर को प्रेम से अलग करी सकस हइ.