Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
याग आव ईव मातगोळ्द सोच दा का ईरोन रा प्रभु उन स्वर्गदूत आऊक कान्सा दा कांळ्सकु अनली कुरतुन, "हे यूसुफ! दाऊद उन पार, नी मरियम उक हिंग्स माळली अंजबाळ, यतिकी जो आकिन गर्भ दा आद, अद पवित्र आत्मा दी टु आद.
स्वर्गदूत आ येढ्ढ आर्तेर से अंदुर, "अंजबाळी ना जान्सतीन कि नीव यीशु उक जो क्रूस मा येर्सकु आगीदुन आऊक ढुंढ़सेतीर. आव ईल हैलेच, तान वचन इन अनुसार जित्ता आग्यान. बरी, आ जागा अक नोळी यल प्रभु बिदकु ईरोन.
येन नी जान्साल कि ना तान आप्प उन से विनती माळ सकतीन, अदिक आव स्वर्गदूतगोळ्द हन्नेळ पलटन से यक्कुल नान हात्ती ईगल्या उपस्थित माळ बुटान?
स्वर्गदूत आकिन से अंदुन, "हे मरियम, अंजबाळ, यतिकी परमेश्वर उन अनुग्रह नीन मा आग्याद. नोळ, नी व्हाट्या दी ईत्या, अदिक नीनी ऊंद पार पैदा आदान; नी आऊन हेसुर यीशु ईटेत.
आग स्वर्गदूत आंदुर से अंदुन, "अंजबाळी; यतिकी, ना नीमी हापाळ खुशी इन खुशखबरी केळ्सतीन जो सप्पा लॉकुर साटी ईत्तीत,
"आकाश दा परमेश्वर उन महिमा
अदिक पृथ्वी मा आ मंळसागोळ देल यार से आव प्रसन्न आन, शांती आगुल."
ना नीम से अनतीन कि ईदा रीति देल ऊंद मन तिर्गुसावाळा पापी अन्द बारा दा परमेश्वर उन स्वर्गदूतगोळ्द मुंद खुशी आगतद."
यीशु उन होगाहोती याग आंदुर आकाश दी तार हचकु नोळोर, रा नोळी, येढ्ढ मंळसागोळ बिळेव चमकदार कपळा हाक्कु आंदुर हात्ती बंदकु निदुरदुर, अदिक आंदुर से अंदुर, "हे गलीली लॉकुरा, नीव येती निदुरकु आकाश दी नोळेतीर? ईवा यीशु, जो नीम हात्ती टु स्वर्ग मा नेगुकु आदुन, याता रीति देल नीव आऊक स्वर्ग इक होग्त नोळदीर अदा रीति देल आव मात्त बंदान."
आबुर दाबुर दा विश्वासी वार्टुर्द प्यार बन्सकु ईरूल. अनजाना लॉकुर्द तान मान्या सत्कार माळोद मारूबाळी, यतिकी हिंग माळतेला अच थ्वाळासा लॉकुर अनजाना दा स्वर्गदूतगोळ्द स्वागत माळदुर.
अगर ना मंळसागोळ अदिक स्वर्गदूतगोळ्द भाषागोळ माताळाईन अदिक प्यार ईटालीन, रा ना ठनठनासकु पीतल इन धोळ घंटी अदिक झनझनासकु झाँझ हुईन.
ईदुर दा संदेह हैलेच कि भक्ति इन भेद गंभीर आद, मतलब
अद जो मय दा प्रगट आत,
आत्मा दा न्यायी ठहरूस्त,
स्वर्गदूतगोळ इक कांळ्सदुन,
गैरयहूदीगोळ दा आऊन प्रचार आत,
दुनिया दा आऊन मा विश्वास माळकु आत,
अदिक महिमा दा म्याकुच नेगुकु आदुन.
यतिकी प्रभु खुद अच स्वर्ग टु ईळदान; आ समय ललकार, अदिक प्रधान स्वर्गदूत उन शब्द केळ बंदीत, अदिक परमेश्वर उन तुरही उदकु आदीत; अदिक जो मसीह दा विश्वास माळतेला सोतार, आंदुर पयले जित्ता माळकु आदार. आग नाव जो जित्ता अदिक उळ्दकु ईत्तेव आंदुर सांगुळ बादलगोळ मा नेगुकु आदेव कि हवा दा प्रभु उन सांगुळ सिकुल; अदिक ईद रीति देल नाव हमेशा प्रभु उन सांगुळ ईत्तेव.
जो विजय हासिल माळ्यान आऊक हिंगा बिळेव फळक्या हाकसुसकु आदीत, अदिक ना आऊन हेसुर जीवन इन किताब दा टु यातोदु रीति देल कडुतिदिल; लेकीन आऊन हेसुर तान आप्प अदिक आऊन स्वर्गदूतगोळ मुंद मान्स कोमाईन.
यतिकी ना निश्चय जान्सतीन कि याऊ नामी आऊन प्यार देल अलग माळ सकालुन ना मृत्यु, ना जीवन, ना स्वर्गदूत, ना दुष्ट शासन, ना वर्तमान, ना भविष्य, ना सामर्थ्य, ना ऊँचाई, ना धरती इन गहराई, अदिक ना धरती इन ऊंचाई अदिक ना संसार इन यातोदु निर्मित वस्तु नामी परमेश्वर उन प्यार देल जो नाम प्रभु मसीह यीशु दा आद, अलग माळ सक्कीत.