Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Yusupu naɨwakɨlɨ ʉkisɨja kʉmʉleka, Mitʉmi nʉakigʉlʉ nʉang’wi Itunda wang’wi Itunda wɨkamʉɨla mʉndoti, "Ʉewe Yusupu ng’wana wang’wa Daudi, leka kogopa kʉmʉhola Malia watʉle mʉkɨmako, kʉndogoelyo mɨligo ɨyɨ nʉkete ingɨ kʉʉhumi nʉwa Ng’wahʉ Ng’welʉ.
Malaɨka nʉwanso wɨkaaɨla asʉngʉ nɨanso, "Ʉnyenye leki kogopi! Ningɨle kɨna mʉkʉmʉduma Yesʉ naza amʉkomile mʉmʉsalaba. Wɨkʉtilɨ apaitɨ, kʉnsoko wiʉka anga naza ʉlɨɨye. Pembyi mʉgoze paza amʉlalɨkilye.
Itɨɨ, shanga mʉlingɨle kɨna nihʉmile kʉmʉlompa ʉ Tata ane wanzaɨɨlye nʉo ʉhumile milʉndo imilʉndo ambita ikʉmi naabɨɨlɨ naɨtʉmi akigʉlʉ nɨang’wi Itunda?
Ingɨ Mitʉmɨ nʉakigʉlʉ nʉang’wi Itunda akamʉɨla, "Maliamu leka kogopa, kʉnsoko ʉewe ʉkembetilwe ni Itunda. Kʉnsoko ʉkʉʉsha mɨligo, ʉkʉtuga ng’wana mʉgoha, ɨlina lakwe ʉkʉmitanga Yesʉ.
ingɨ ʉmitʉmi nʉakigʉlʉ nʉang’wi Itunda akaatambʉɨla ɨadɨma nkolo, "Leki kogopi, nʉmʉletee mpola nziza niikʉleta ʉlowa ʉkʉlʉ kʉantʉ ɨhi.
"Itunda nʉakʉligwe nʉkolɨ migʉlya ikʉlʉ kigʉlʉ
nʉmihɨɨ itule nʉʉpolo kʉantʉ nʉagombile."
Itɨ ʉʉ kʉmʉɨla, itɨ ʉʉ nɨɨkiloa ɨitʉmɨ akilunde nɨang’wi Itunda kʉnsoko amʉnyamɨlandʉ ʉng’wɨ nʉkʉpɨlʉka nʉkila itʉnʉ."
Naɨ akɨlɨ agozee kilunde, Yesʉ naɨ ʉlongoe, kolwa itʉnja abɨɨlɨ atugae ngʉo melʉ pee ɨkimɨka pakupɨ nɨenso, ɨkalʉnga, "Ʉnyenye antʉ akʉ Galilaya, haɨ ka mimɨkile mʉgozee kigʉlʉ? Yesʉ ʉyʉ nɨmʉmʉine ʉhoilwe kʉpuma kʉng’waanyu, nɨmʉine ʉlongoe kigʉlʉ ʉ ʉzɨɨza tulya."
Anga ɨze kʉtambʉla kʉntambʉ niya antʉ nizi niya amalaɨka, ingɨ anga ɨze nʉmʉgila ʉlowa ʉne ntuile anga ʉlʉli nʉla idebe nɨgila anga kɨntʉ ang’wɨ anga mʉntʉ nʉkʉkʉania mazenzele.
Kʉnsoko nɨngile kʉlʉ kʉʉlʉ kɨna kʉtile kɨntʉ nɨkɨhumile kʉʉkomatʉla nʉʉlowa wang’wi Itunda, shanga nsha ang’wɨ ʉpanga, ang’wɨ amalaɨka ang’wɨ ngulu ningɨza niya kigʉlʉ, ang’wɨ mʉ makani nakʉpumɨla itungo ɨlɨ ang’wɨ napembilye panyambele, ang’wɨ ʉhumi, itule makani namolɨ mʉ ʉnkumbigʉlʉ nʉwa migʉlya, ang’wɨ nʉwa mihɨɨ. Kʉtile kɨʉmbwa kɨhi nɨkɨhumile kʉʉkoma nʉ ʉlowa wang’wi Itunda nʉ ʉmolɨ mʉng’wa Kilisito Yesʉ Isekʉlʉ witʉ.