20 Manang sa gayed pa nan yeiy pig-anenganeng, awun anghil na Tyumanem na migpakitaꞌ kanan magi sa tagaynep aw law nan, "We… José na buwadbuwad ni Dabid. Diliꞌ kaw magduwaduwa magpanga͡ubayan kan Maria. Kay ya pagkabdes nan, magi saba sa Ispiritu Santo.

5 Manang piglongan na anghil ya manga ka͡ubayan, "Diliꞌ kamu magkallek! Kya-ede-an ku na pyaninaw mayu si Jisus na pigkalabuwan adti krus. 6 Walaꞌ da sakanan asini, kay nyataw da kasiling na piglong nan idtu muna! Seled kamu aw inunuwa mayu ya pigpakulangan kanan.

53 Unu, walaꞌ mu ka-ede-i na mabatug ku ya magsekat sa tabang adti kanak Ama, aw maksay saba aku padala͡an na pangkay pilammalalan ya anghil?*

30 Aw miglong ya anghil kanan, "Diliꞌ kaw magkallek, kay Maria, kay kyatutukan ya Tyumanem kanmu. 31 Pakanyegi ya un ku paglongun kanmu: Diliꞌ madugay, mabdes kaw aw mag-iseꞌ sa eseg, aw ngalanan mu sakanan na Jisus.

10 Manang miglong ya anghil kanilan, "Diliꞌ kamu magkallek! Pakanyegi mayu ya un ku paglongun: Awun ubat-ubat ku kamayu na to-o madyaw na makapaleya sa kadég na manga utaw.

14 "Deyen ya Tyumanem na awun ni tas na langit!

Aw awun da kalinaw na manga utaw asini tas na lupaꞌ na nyakatutuk sa Tyumanem."

10 Maynan uman, dakulaꞌ saba ya pagleya na manga anghil na Tyumanem na awun ni tas na langit asuntu sa sambuk na makasasalaꞌ na migselsel."

10 Sa kenneꞌ pa nilan lyumangad adti langit, biglaꞌ nyaka-indeg dun ni sayid nilan ya duwa ya eseg na syumut sa kadégkadég na alag maputiꞌ. 11 Aw law nilan, "Kay manga taga Galiliya, anangaꞌ kenneꞌ pa mayu mig-indeg-indeg asini aw lyumangad adti langit? Ya Jisus na nya-engat lekat adti kamayu pasinan adti tas na langit, dumateng ya allaw na lumikuꞌ sakanan, aw maynini uman ya ma-imoꞌ dun ni paglikuꞌ nan."

1 Kay manga inulug na nyangintu-u kan Kristu, padelega ya paggaginawa͡ay mayu.

2 Diliꞌ mayu pagkalingawan ya pagpamasa sa manga utaw na maka-ibwang dun ni kamayu. Kay awun utaw na nyamasa sa manga nyaka-ibwang kanilan aw walaꞌ nilan ka-ede-i na ya nyibwang kanilan manga anghil kadiꞌ na Tyumanem.*

1 Kun makapaglong aku sa madég na punganan na tingeg na manga utaw aw pangkay tingeg na manga anghil, manang kun walaꞌ ya pagginawa ku sa eped na utaw, kasiling aku na agung na pyaleman da oloꞌ sa uni aw babat na to-o magkalaging.

16 Aw kya-ede-an na kadég tadun na to-o madyaw ya pigbukasan da na Tyumanem sa pyangintu-uwan tadun:

Migka-utaw si Kristu aw

pigmatinaw na Ispiritu Santo na walaꞌ ya salaꞌ dun ni kanan.

Kyinitaꞌ sakanan na manga anghil.

Pig-ubat-ubat sakanan adti manga nasud.

Pyangintu-uwan da na madég na utaw,

aw nya-engat sakanan adti tas na langit.

16 Kay manog ya kanaten Matas na Pangulu na si Jisus lekat adti tas na langit na ka-epedan na dakulaꞌ na tingeg na migsuguꞌ, aw ya tatawag na kapitan na manga anghil, aw ya uni na trumpita na Tyumanem. Aw ya manga mangintu-uway na nyatay da, muna silan matawun. 17 Pagkatigkas yan, magdengan ya kadég tadun na mangintu-uway ma-engat, dala ya bagu nyataw aw kitadun uman na utaw pa. Aw dun ni dalem na langit kitadun pagkitaꞌ si Jisus aw magad kitadun kanan aw meyaꞌ adti sayid nan na walaꞌ ya tyamanan.

5 Ya utaw na dumeg sa malatay, yeiy ya un ku pasutun sa kadégkadég na maputiꞌ. Aw diliꞌ ku papasen ya ngalan nan dun ni libru na pigsulatan sa ngalan na manga nyakatagtun sa ginawa na walaꞌ ya katigkasan. Aw aku ya magmatinaw kanan adti asdangan na kanak Ama aw adti kanan manga anghil.

38 Kay kya-ede-an da ku na walaꞌ ya maka-elet kanaten lekat adti pagginawa na Tyumanem. Pangkay pa ya pagkamatay aw ya pag-eyaꞌ tadun, aw manga anghil aw manga busaw. Aw bekeꞌ na kakaypengan tadun adun aw kakaypengan sa unu ya un pa dumateng. Aw bekeꞌ na katulus na diliꞌ tadun pagkita-en, 39 dala ya awun ni dalem na langit, aw ya awun ni dalem na lupaꞌ, aw pangkay unu na pig-imoꞌ na Tyumanem. Diliꞌ yeiy maka-elet kanaten lekat adti dakulaꞌ na pagginawa na pigpakitaꞌ nan kanaten magi kan Kristu Jisus na kanaten Matas na Pangulu.