Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
ज़ांऊं युसुफ इना गल्ला सोठदअ थिअ लागअ द, परमेशरो एक स्वर्ग दूत शुझुअ तेऊ का सुपनै अर तेऊ स्वर्ग दूतै बोलअ युसुफा लै इहअ, "राज़ै दाबेदे लुआद युसुफा, तूह निं मरिअमा संघै बैहा करनै का निं डरी। किल्हैकि तेसे ओदरै पल़दअ गर्भ आसा पबित्र आत्मां करै।
स्वर्ग दूतै बोलअ तिन्नां बेटल़ी लै, "तम्हैं निं डरा आथी, मुखा आसा थोघ कि तम्हैं आसा ईशू लोल़ी लागी दी ज़ुंण क्रूसा दी मारअ त। सह निं इधी आथी, पर ज़िहअ तेऊ बोलअ थिअ, तिहअ ई हुअ सह ज़िऊंदअ। एछा, ऐहा ज़ैगा भाल़ा ज़िधी ईशू त डाहअ द।
तूह ऐहा गल्ला निं समझ़दअ आथी कि हुंह सका आपणैं बाबा का एही अरज़ बी करी कि मुंह सेटा लै छ़ाड बारा दला का बी खास्सै स्वर्ग दूत, तेऊ हेरनै एभी छ़ाडी!
तेखअ बोलअ स्वर्ग दूतै तैहा लै, "हे मरिअम, तूह निं फिकर करी ताल्है किई परमेशरै झींण। भाल़, तूह हणीं सुंदी अर तेरअ हणअ एक शोहरू अर तूह डाहै तेऊ नाअं ‘ईशू।’
तेखअ स्वर्ग दूतै तिन्नां लै बोलअ, "डरा निं आथी, भाल़ा, तम्हां का लाअ मंऐं खुशीओ समाद खोज़ी। अह खुशीओ समाद हणअ सारै संसारे मणछा लै खुशी दैणैं आल़अ।
"स्वर्गै हुअ परमेशरो प्रतप्प
पृथूई दी ज़हा मणछा लै परमेशर खुश आसा, तिन्नां शांती होए।"
"हुंह खोज़ा तम्हां का कि परमेशरे स्वर्ग दूता सम्हनै हआ स्वर्गै एही ई खुशी नंद ज़ेभै एक मणछ आपणैं पापो प्राश्त करी परमेशरा बाखा लै फिरा।"
प्रभू डेऊंदी बारी तै तिंयां सोभ लागै दै सरगा बाखा लै भाल़ै, अर दूई स्वर्ग दूत शेतै झिकल़ै बान्हैं दै तिन्नां सेटा लै आऐ अर खल़्हुऐ।
तिन्नैं स्वर्ग दूतै बोलअ तिन्नां लै, "हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।"
मसीही ज़िन्दगी ज़िऊंणें सलाह
आप्पू मांझ़ै डाहणीं भाई-बैहणी ज़ेही झ़ूरी। ज़हा विश्वासी भाई संघै तम्हां पैहली बारी भेत-बछ़ैण हआ तिंयां निंणै ज़रूर आपणैं घअरा लै प्राहुंणैं। किल्हैकि इहअ करै आसा कई लोगै स्वर्ग दूत बी प्राहुंणैं निंयैं दै।
झ़ूरी करनी आसा धर्मों मूल़
ज़ै हुंह मणछा अर स्वर्ग दूता ज़ेही बोली बोलूं, अर पर झ़ूरी निं मेरै दिला दी कोही लै होए, तै हणीं मेरी गल्ला छ़ण-छ़ण अर छैंहीं करदी कांस्सी अर छ़छ़ाल़ा ज़ेही।
एथ निं किछ़ै बैहम आथी कि अह गल्ल आसा पाक्की, ज़ुंण गल्ला परमेशरै प्रगट किई तिंयां आसा सारी शुची मतलब,
मसीहा हुअ मणछ देही दी प्रगट,
पबित्र आत्मां किई अह गल्ल साबत कि ज़ुंण गल्ला तेऊ किई तिंयां आसा भली,
सह भाल़अ स्वर्ग दूतै बी,
सह च़कअ स्वर्गे प्रतप्पा दी उझै।
लोगै खोज़अ तेऊए बारै सारै संसारे सोभी लोगा का।
सारै संसारे मणछै किअ तेऊ दी विश्वास।
किल्हैकि प्रभू ईशू मसीहा होथणअ आप्पै स्वर्गा का, तेभै शुणनअ अर प्रधान स्वर्ग दूतो बोल अर परमेशरे नाद बाज़णीं, अर ज़ुंण विश्वासी मरी आसा गऐ दै, तिंयां हणैं पैहलै ज़िऊंदै। तेखअ हाम्हैं ज़ुंण ज़िऊंदै अर बच़ै दै आसा, तेखअ च़कणै हाम्हैं बी तिन्नां संघै उझै बादल़ा दी प्रभू सेटा मिलदै अर तेभा पोर्ही रहणैं हाम्हैं सदा प्रभू संघै।
ज़ुंण ज़िते तेऊ लै बन्हैऊंणैं इहै ई करै शेतै झिकल़ै, अर तेऊओ नाओं निं हुंह ज़िन्दगीए कताबा का काटदअ। पर तेऊओ नाओं बोल़णअ मुंह आपणैं बाब अर आपणैं स्वर्ग दूता सम्हनै।प्रका. 21:27
किल्हैकि मुखा आसा थोघ कि नां मौत, नां ज़िन्दगी, नां स्वर्ग दूत, नां जमदूत, नां एभै, नां आगली ज़िन्दगीए फिकर, नां शगती, नां उछ़टी ज़ैगा, नां डुघी ज़ैगा, नां कोई होर संसार हाम्हां परमेशरे झ़ूरी का ज़ुदै करी सकदै, ज़ुंण म्हारै प्रभू ईशू मसीहा दी आसा।
Este artigo te tocou? Faça uma oração!
+581 estão orando agora.
Junte-se à corrente de oração.