Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
ಯೋ ಇಮ್ ಸೋಚುಕರಾನಿ ವಖ್ಹತ್ಮ, ದೇವ್ನದೂತನೆ ಇನ ಖ್ಹೋಣ್ಯಮ ದೆಖೈನ್, "ದಾವೀದನೊ ಖಾಂದಾನ್ವಾಳ ಯೋಸೇಫ, ಮರಿಯನ ತಾರಿ ಬಾವಣ್ ಕರಿಲ್ಯವಾನ ಡರ್ನಕೊ. ಯೋ ಪವಿತ್ರಾತ್ಮಥೀಸ್ ಬೇಜೂನಿ ಹುಯಿರ್ಹೀಸ್ತೆ.
ತದೆ ಯೋ ದೇವ್ನೊ ದೂತನೆ ಯೋ ತಯೇಡಾವ್ನ, "ತುಮೆ ಡರೊನಕೊ, ಶಿಲ್ಬೆಪರ್ ಮಾರ್ಯುಥೂತೆ ಯೇಸುನ ತುಮೆ ಢೂಂಡುಕರಾಸ್ ಕರಿ ಮನ ಮಾಲುಮ್. ಯೋ ಹಜ್ಜಾ಼ ಕೊಯ್ನಿ; ಇನೆ ಬೋಲ್ಯೊಥೋತೆ ಇಮ್ಮಸ್ ಮರಣ್ಮಾಥೊ ಜಿವ್ತೊ ಹುಯಿನ್, ಉಠಿರ್ಹೋಸ್. ಹಜ್ಜಾ಼ ಆವೊ, ಯೋ ಖ್ಹುತೊಥೋತೆ ಝ಼ಗೋನ ದೇಖೊ.
ಮೇ ಮಾರ ಬಾನ ಬೋಲಿಲಿದೋತೊ, ಯೋ ಮನ ಮದತ್ನಖ್ಹಾಜೆ ದೇವ್ ದೂತರ್ನು ಭಾರ ದಂಡ್-ದಳ್ವಾಯಿನಿ ಝೂ಼ಂಡ್ನ ಮೋಕಲ್ಶೆ ಕರಿ ತುನ ಮಾಲುಮ್ ಕೊಯ್ನಿಕಿ ಶು?
ತದೆ ದೇವ್ನೊ ದೂತನೆ ಇನ, "ಮರಿಯ ಡರ್ನಕೊ, ದೇವ್ನೆ ತಾರಪರ್ ಘಣಿ ಮೋಟಿ ವಾರ್ಖ್ಹೊ ಕರಿರಾಖ್ಯೋಸ್. ಹಂದೇಕ್, ತೂ ಬೇಜೂನಿ ಹುಯಿನ್ ಏಕ್ ಪರ್ಖ್ಹೊ ಲಡ್ಕಾನ ಜ಼ಣಿಶ್, ಯೋ ಲಡ್ಕಾನ ಯೇಸು ಕರಿ ನಾಮ್ ಮ್ಹೇಲ್ನು.
ಕತೋಬಿ ದೇವ್ನೊ ದೂತನೆ ಇವ್ಣುನ, "ಡರೊ ನಕೊ! ಮೇ ತುಮಾರಖ್ಹಾಜೆ ಅಛ್ಛಿಸಮಾಚಾರ್ನ ಲೈರಾಖ್ಯೊಸ್, ಅನೇಥಿ ತಮಾಮ್ ಅದ್ಮಿನ ಘಣು ಖ್ಹುಶಿ ಉಶೆ.
"ಉಪ್ಪರ್ಲ್ಯಲೋಕ್ಮ ದೇವ್ನ ಮಹಿಮೆ ಹುವಾದೆ,
ಅಜು಼ ಧರ್ತಿಪರ್ ದೇವ್ನ ಕೋಣ್ ಖ್ಹಾಜ಼ಸ್ಕಿ ಇವ್ಣುನ ಶಾಂತಿ.
ಅಮ್ಮಸ್, ದೇವ್ ಭಣಿ ಫರಾಸ್ತೆ ಏಕ್ ಪಾಪಿನಿ ಬಾರೇಮ, ದೇವ್ನು ದೂತರ್ ಖ್ಹಾರು ಖ್ಹುಶಿಕರಸ್" ಕರಿ ಬೋಲ್ಯೊ.
ಯೇಸು ಜಾ಼ವಾನಿವಖ್ಹ್ತೆ ಇನ ಇವ್ಣೆ ಆಬ್ನಾಸ್ ಠರ್ಕೈನ್ ದೇಖುಕರ್ತುಥು. ತದೆ, ಧೋಳು ಲುಂಗ್ಡು ಫೇರಹುಯ ಬೇಜ಼ಣ ಇನ ಭೀಡೆ ಭೀರಿನ್, ಗಲಿಲಾಯವಾಳ ಅದ್ಮಿವೊ, ತುಮೆ ಶನ ಆಸ್ಮಾನ್ನಾಸ್ ದೇಖುಕರಸ್? ತುಮಾರಕಂಥು ಯೇಸು ಕಿಮ್ ಪರ್ಲೋಕ್ನ ಛ಼ಡಿಗಯೊತೆ ತುಮೆ ದೇಖ್ಯಾಕಿ ಇಮ್ನಿ ಪರಕ್ಮಾಸ್ ಪಾಛು಼ ಆವ್ಶೆ.
ದೇವ್ನ ಲ್ಹಾಯಕ್ ಕರಾವನು ಕಿಮ್
ಕೆದೇಬಿ ವಿಶ್ವಾಸಿ ಭೈಯೇ ಭೇನೆವ್ನ ಪ್ಯಾರ್ ವತಾಳೊ. ಮ್ಹೇಮಾನ್ನ ಉಪ್ಚಾರ್ ಕರಾಮ ಝಿಟ್ಕಾರೊ ನಕೊ. ಶನಕತೊ ಯೊ ಕರಾಮ ಥೋಡುಜ಼ಣು ಮಾಲುಮ್ಕೊಂತೆ ದೇವ್ನ ದೂತರ್ನಾಬಿ ಉಪ್ಚಾರ್ ಕರುಕರಸ್.
ಪ್ಯಾರ್
ಮೇ ಅದ್ಮಿವೋನಿ ವಾತೆಖ್ಹಾರಿಬಿ ದೇವ್ನ ದೂತರ್ನಿ ವಾತೆ ಬೋಲವಾಳೊ ರ್ಹಿಯೊತೋಬಿ ಮನ ಪ್ಯಾರ್ ನಾರ್ಹಯುತೊ ವಾಜ಼್ ದ್ಯವಾಳೊ ಘಾಟೊಬಿ, ಘಣಘಣ ಕರಾನು ಕಖ್ಹಾಳಿಬಿ ಹುಯಿರುಸ್.
ಅಪ್ಣ ದೇವ್ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್ಥಿ ದೆಖೈಗು. ಅಲ್ಹಾವ್ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್ ಇನಾಪರ್ ವಿಶ್ವಾಸ್ ಕರ್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.
ಶನಕತೊ ಪ್ರಭು ಇನುಯೋಸ್ ಹುಕುಮ್ನಿ ಆವಾಜ಼್ಥೀಬಿ, ಗಲ್ಢೊ ದೂತಾನೊ ಆವಾಜ಼್ಥೀಬಿ, ಅಜು಼ ದೇವ್ನಿ ತುತ್ತೂರಿನ ಆವಾಜ಼್ಥೀಬಿ ಪರ್ಲೋಕ್ಥು ಉತ್ರಿನ್ ಆವ್ಶೆ. ತದೆ ಯೇಸು ಕ್ರಿಸ್ತನಿ ವಿಶ್ವಾಸ್ಮ, ಮರಿಗಯೂತೆ ಇವ್ಣೆ ಪಹಿಲೆ ಉಠಿ ಆವ್ಶೆ. ಅನ ಬಾದ್ಮ ಜಿವ್ತಾ ಛಿಯೇತೆ ಅಪ್ಣೆ ಪ್ರಭುನ ವಾದ್ಳಾನ ವಹಿರಾಮ ಮಳಾನಖ್ಹಾಜೆ ಇವ್ಣಿ ಜೋ಼ಡೆಸ್ ಏಕ್ದಮ್ ವಾದ್ಳಾಮ ಪಡೈಜಾ಼ಶು. ಅಮ್ ಹುಯಿನ್ ಅಪ್ಣೆ ಹಮೇಶಾನಖ್ಹಾಜೆ ಪ್ರಭುನ ಜೋ಼ಡೆ ರ್ಹಿಶು.
ಜೀತ್ ಲ್ಯವಾಳೊ ಧೋಳ ಲುಂಗ್ಡಾನ ಫೇರ್ಶೆ. ಜಾನ್ನ ಹಕ್ವಾಳಾನಿ ಪುಸ್ತಕಮಾಥು ಇನ ನಾಮ್ನ ಮೇ ನೂಛಿಶ್ಕೊಂತೆ ಯೋ ಮಾರೊ ಕರಿ ಮಾರ ಬಾನ ಖ್ಹಾಮ್ಣೇಬಿ ಇನ ದೂತವ್ನ ಖ್ಹಾಮ್ಣೆಬಿ ಮಾನವಾಳೊ ಹುಯಿರ್ಹೀಶ್,
ಶನಕತೊ ಮರಣ್ಣರ್ಹವೊ, ಜಾನ್ನರ್ಹವೊ, ದೇವ್ದೂತರ್ ರ್ಹವೊ, ದುರಾತ್ಮರ್ಹವೊ, ಸೊರ್ಗನೊ ಅದಿಕಾರಿ ಕೊಯಿನ್ತೊ ಶಕಥ್ಥಿರ್ಹವೊ. ಹಮ್ಕೇನಿ ಬಾರೇಮರ್ಹವೊ, ಖ್ಹಾಮ್ಣೇನಿ ಬಾರೇಮರ್ಹವೊ, ಊಚು಼ರ್ಹವೊ, ಗಧಾರ್ಮರ್ಹವೊ, ನತರ್ ಉಬ್ಜಾ಼ವ್ಣಿಮ ಛಾ಼ತೆ ಬಿಜು಼ ಖೆವೂಸ್ರ್ಹವೊ ಅಪ್ಣೊ ಪ್ರಭು ಹುಯಿರ್ಹೋತೆ ಕ್ರಿಸ್ತಯೇಸುಮ ಛಾ಼ತೆ ದೇವ್ನಿ ಪ್ಯಾರ್ಥಿ ಅಪ್ಣುನ ಅಲಕ್ ಕರ್ಶೆಕೊಯ್ನಿ.