Ano novo

10 Ka̱shile, zuwaka mu ka̱ɗu ka ciɗa,

vu sabaꞋaka mu ayinviki a savu o kutoni.

11 Ka̱ta̱ vu loko mu kelime ka̱ nu ba,

ka̱ta̱ vu takpa ayinviki a ciɗa a̱ nu wa̱ va̱ ba.

7 Shamgba shiriri u Vuzavaguɗu,

ka̱na̱ ka̱ɗu ka̱ nu vu vana yi,

ka̱ta̱ vu na̱mgba̱ ka̱tsuma̱,

adama a ulyaꞋi u kelime u vuza ba,

ko u vuza vu ulyaꞋi,

a̱ ka̱tsuma̱ ka̱ a ubuta̱ wo ofoɓuso a ka gbani-gbani ka̱ ni ba.

8 Kondoi yene n ka̱ci ka̱ ɗa̱ Vuzavaguɗu vuza kasingai ɗa.

vuza vu una̱singai ɗa a̱yi na u ciya̱i ubuta̱ u kusheɗeku wa̱ a̱ ni.

31 Ama aza na e nekei a̱ɗu e le u Vuzavaguɗu

i ta̱ a̱ kuciya̱ utsura u savu.

Ka̱ta̱ a imkpa gaɗi n evelyu tsu kajimba,

I ta̱ a kusuma ama o koꞋo ba.

I ta̱ a kuyaꞋan nwalu ama a̱ kulima̱ ba.

11 A dama na mpa n yeve ta̱ kusheshe ki ili i na n foɓusokoi ɗa̱, i na Vuzavaguɗu u dansai. N foɓuso ta̱ kasingai, ba ka wuya ba, a dama a na n neke ɗa̱ kofon n a̱pa̱.

11 U yaꞋan ta̱ ili dem n ugaꞋin a ayin a̱ ni. Ɗa kpamu u zuwakai vuma ka̱ɗu ko ci coꞋo ke kuyeve ki ili i na i lazai n ili i na yi e kelime, n nanai dem a kufuɗa a zuwaka n ili i na Ka̱shile ka yaꞋin ɗe n ugiti ali a̱ kuta̱wa̱ a ayin a ukocishi ba.