Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
ए भायस्यो ने बहणस्या, मारु जु वीच्यार नी हय की मे पछु जीवतो हवणु हात कर लेदु, बाकुन जो एक काम करो, की जी वात पछळ रय गुय तीनी वातेक ईसरीन अगु-अगु जाय र्यु पछु जीवतु हवणेन ठीया भीणी दवड़ीन जाणे बाजी रयु, की चो ईनाम हात करो, तीना ईनाम वाटे भगवान, मेसेक ईसु मसी मां उपर सरगे मां पछु बुलावलु छे।
ईसुन माणसेन ठीयु
ज नी हय की मे पछु जीवतो हवणु हात कर लेदु, नी ते पुरु-पुरु पाक्कु हय जु, बाकुन पछो जीवतो हवणु हात करने करीन अगु-अगु जाणे बाजी र्यु। ईनात ठीयान साहरे ईसु मसी मेसेक नेवाड़लु हतलु। ए भायस्यो ने बहणस्या, मारु जु वीच्यार नी हय की मे पछु जीवतो हवणु हात कर लेदु, बाकुन जो एक काम करो, की जी वात पछळ रय गुय तीनी वातेक ईसरीन अगु-अगु जाय र्यु पछु जीवतु हवणेन ठीया भीणी दवड़ीन जाणे बाजी रयु, की चो ईनाम हात करो, तीना ईनाम वाटे भगवान, मेसेक ईसु मसी मां उपर सरगे मां पछु बुलावलु छे।
आपणे मां जतरा बी आपसाक पुरा-पुरा पाक्का समजे, तीनुक मारेन तसुत वीच्यार करनु चाहजे ने कदी ईनी वात मां वीरुद हये, ती भगवान ईनी वातेक बी तींद्रे अगळ उजेंती कर देसे।
हेरेसी कदी कुय ईसु मसी मां छे ती चु नवलु बन्नलु छे; जुन्डली वात जाती रय; देखु, आखी वात नवली हय गुय।
एक जीवतेली आस
हामरा मालीक ईसु मसीन भगवान ने बासेन बड़ाय हवे, जु ईसु मसी मरलाम सी जीवतु हवणे सी आपसान मटी दया सी हामुक जीवतेली आस वाटे नवली जीवाय आप्यु।
ने जी आखी वात मानीन आंबा-सांबा दयाळु वेहवार करु, काहाकी परम आखाम एक्कु लावीन आखाक पुरा-पुरा पाक्का करे। तुहुंं आखा एकुत डीलेन भाग छे, ज ईसुन डील छे; ने एक दीसरा पुठ्ये हेळी-मेळीन सांती मां जीवणे करीन भगवान तुहुंंक बुलावलु छे। ने ईसुन सी जड़नी सुक-सांतीन साहरे तुंद्रा मनेन वीच्यार काजे कब्जाम राखीन भेळा रहु। ने तुहुंं भगवान काजे बेसकु वारु छे कह्ता रहु।
चु आखो काय असो बणायु की आपसा टेम पर चे वारलु रवे; अळी चु माणसेन मन मां पेहलेन ने जलमेन टेमेन अक्कल पयदा कर्यु, तेबी जो काम भगवान करलु छे, चों पेहलुत सी जलम लग माणसेन समज मां नी आय सके।
ईनी कळीन बास ते दसो समज आवतेलो, तसु ईनी कळीम वाळी आपणा-आपणा जीवन काजे सुदारने करीन डंड आप्या करतेलु, बाकुन भगवान ते, आपणी जलमेन भलाय वाटे आपणुक डंड आपे। हेरेन करीन की आपणु तेरा चुखला साजल्या बण जाजे। आपणुक सुदारने करीन डंड जड़े, तत्यार आपणुक वारु नी लागे, ने बेसको काठो लागे। बाकुन तेबी जे सुदारनेन डंड झेली-झेलीन पाक्का हय गुयला छे, तीनुक पेहली कावा चुखला धरमेन सांती आपण्यो फळ जड़से।
मटाय करन्या काजे चेतावणी
तुहुंं ते ज कय रया, की आज नीते वाहणे हामु काहनाक दीसरा सहर मां जाय्न, "एक साल लग काम करसु ने वेपार करीन नफु कमायसु। बाकुन मारी वात मन लागाड़ीन सामळु ते खरा।" तुहुंं ज नी जाणु की वाहणे काय हवसे। तुंद्री जीवाय्न काय ठीकाणो नी हय। तुंद्री जीवाय ते कुळ्ळा साय छे, जी थुड़ीक वार देखाव पड़े ने अंछाप हय जाय। हेरेसी तुहुंंक असो कहंणु चाहजे की कदी भगवान मालीकेन मरजी हसे, ती वाहणे बी जीवतेलो रवसु ने ज काम नी ते पलो काम करसु। बाकुन तुहुंं ते हय बी असा कह्ता जाय्न मटाय कर रया की हामु जु वीच्यार कर्या तसोन-तसों करसु। असी मटाय भगवानेन नींगा मां भुंडी छे।
हेरेसी काहनुक भलाय करनु जाणीन बी भलाय नी करे, ती चु पाप कर रयु।