Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
हे वार्टुरा, नान ईद भावना हैलेच कि ना हासिल माळ कोंडीन; लेकीन सिर्फ ऊंद क्याल्सा माळतीन कि जो मातगोळ हिंद ईतोग्याव अवरी मारूकु, मुंदळव मातगोळ दी वाळुसतेला, निशाना दी ओळ्त होगतीन, ताकी अद ईनाम हासिल माळाईन यदुर साटी परमेश्वर नानी मसीह यीशु दा म्याकुच कारदान.
निशाना दी ओळोद
ईद मतलब हैलेच कि ना ईग हासिल माळ कोंडीन, या सिद्ध आगेगिन; लेकीन आ पदार्थ अक हुडोर साटी ओळ्त होगतीन, यदुर साटी मसीह यीशु नानी हुळदिदुन. हे वार्टुरा, नान ईद भावना हैलेच कि ना हासिल माळ कोंडीन; लेकीन सिर्फ ऊंद क्याल्सा माळतीन कि जो मातगोळ हिंद ईतोग्याव अवरी मारूकु, मुंदळव मातगोळ दी वाळुसतेला, निशाना दी ओळ्त होगतीन, ताकी अद ईनाम हासिल माळाईन यदुर साटी परमेश्वर नानी मसीह यीशु दा म्याकुच कारदान. नाम दा टु यास सिद्ध आर, ईदा विचार ईटुल, अदिक अगर यातोदारा मात दा नीम दुसरा अच विचार ईरूल रा परमेश्वर अदरी भी नीम मा प्रगट माळ बुट्टान.
इदुरसाटी अगर यावारा मसीह दा आन रा आव व्हाशोद दुनिया आन: हाळोद मातगोळ बितसेग्याव; नोळी, सप्पा मातगोळ व्हाशेव आगेग्याव.
ऊंद जित्ता आशा
नाम प्रभु यीशु मसीह अन परमेश्वर अदिक आप्प उन धन्यवाद आगुल, याव यीशु मसीह अन सोत्तुर दा टु जित्ता आगोर द्वारा, तान हापाळ प्यार देल नामी जित्ता आशा कोळोर साटी व्हाशोद जनम कोट्टुन,
ना नीम मा शुद्ध नीर छिळकुसाईन, अदिक नीव शुद्ध आगेदीर; अदिक ना नीम इक नीम्द सप्पा अशुध्दता अदिक मुरतीगोळ से शुद्ध माळाईन. ना नीम इन व्हाशोद मन कोळाईन, अदिक नीम बुळ्क व्हासा आत्मा पैदा माळाईन, अदिक नीम्द शरीर दा टु कल्ल इन दिल तेगुकु नीम इक मास इन दिल कोळाईन. ना तान आत्मा नीम बुळ्क कोटकु हींग माळाईन कि नीव ना विधीगोळ मा नळदीर अदिक नान नियमगोळी मान्सकु अदुर अनुसार माळीर.
अदिक ई सप्पा मातगोळ अलावा प्यार इक धारण माळी, प्यार अच सप्पा मुंदुरी आपस दा कटकु ईटतद अदिक परिपुर्ण माळतद. नीम साटी होगावाळा निर्णयगोळ मा अद शांती इन जो मसीह देल प्राप्त आगतद मार्गदर्शन ईरूल, इदुरसाटी परमेश्वर नीमी ऊंदा सांगुळ आ शांती दा ऊंद मय आगोर साटी कारस्यान. अदिक हमेशा धन्यवाद माळ्त ईरी.
आव हर ऊंद वस्तु अक आऊन साटी सही समय मा अच माळदुन, आव मंळसा अन मन दा अनन्तकाल इन एहसास इक जाग्सदुन, तरी भी मंळसा सम्स सकालुन कि परमेश्वर सुरूवात टु आखरी ताका येन माळदुन.
नाम शारीरिक आप्पगोळ थ्वाळासा समय इन साटी ह्यांग आंदुर वळ्लीद सम्सदुर नामी ताळना माळदुर, लेकीन परमेश्वर नाम भलाई इन साटी ताळना माळतान यदुर देल नाव आऊन पवित्रता अन सहभागी आग सक्केव. वर्तमान दा हर ऊंद प्रकार इन ताळना आनन्द इन ईला, लेकीन अद दुखद हततद; तरी भी जो अदरी सहन माळ-माळकु पक्का आगेग्यार, बाद्दा आंदरी न्यायीपन इन जीवन अदिक शांती इन प्रतिफल हासिल आगतद.
घमण्ड इन विरूद्ध चेतावनी
केळी, नीव जो ईद अनतीर, "ईंद या नाळ नाव यातोदारा अदिक नगर दा होगकु अल ऊंद वर्ष बितुसेव, अदिक व्यापार माळकु पैस्या कमुसेव." अदिक ईद जान्सालेव कि नाळ येन आदीत. केळ रा कोमी, नीम्द जीवन आद अच येन? नीव रा भाप इन घाई आईर, जो घळीतीम कांळ्सतद बाक गायब आगेगतद. इदुर उलटा नीमी ईद अनली पायजे, "अगर प्रभु चाहास्यान रा नाव जित्ता ईत्तेव, अदिक ईद क्याल्सा या अद क्याल्सा भी माळेव." लेकीन ईग नीव तान डींग होडुतीर अदिक घमण्ड माळतीर; हिंग सप्पा घमण्ड बेकार आगतद.
इदुरसाटी जो यावारा भलाई माळोद जान्सतान लेकीन माळालुन, आव पाप इन दोषी आन.