Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
ହୋ ଦାଦାନଡ଼ି ନୁ ହେଲାସ୍କ୍ ନାନ୍ ଇଞ୍ଜେ ଆଇନା ଆଦ୍ ପଡ଼ିୟେତାଗ୍ ଏୱନ୍ । ବାତେଙ୍କ୍ଇତ୍କେ ୱେରଡ଼୍ ପାଡ଼ିୟିଦାଗ୍ ନାନ୍ ବିନଷ୍ଟ ମାତ୍ତାନ୍; ପେର୍କେ ୱିଡ଼୍ସି ୱାସ୍ମାନ୍ଦାନ୍ ବିଷୟକିଙ୍କ୍ ମାର୍ଙ୍ଗି, ମୁନେମାନ୍ଦାନ୍ ବିଷୟକିଙ୍କ୍ ଦର୍ସିକି ଆଦାନ୍ ସେଙ୍ଗେ ସେନେକ୍ ମାନକଟ୍ ଆଲ୍ସି ମାଡ଼ୁତାନ୍ । ଆଦିଙ୍କ୍ କ୍ରିଷ୍ଟ ଜିସୁନ୍ ତୋଡ଼୍ତନ୍ ବେନ୍ ସ୍ୱର୍ଗିୟ ଜିୱୁନ୍ ଲାବ୍ ମାଡ଼ାନ୍ ସେଙ୍ଗେ ଇଶ୍ୱର୍ ନାକିଂଙ୍କ୍ କାର୍ଙ୍କ୍ ତନ୍ ଆଦ୍ ପୁରସ୍କାର୍ ସେଙ୍ଗେ କଣ୍ଡେ ୱାଟି ନାନ୍ ମେଲ୍ତା ପଡ଼ିୟେତାଗ୍ ମିର୍ତାନ୍ ।
ଲକ୍ଷ ପଡ଼ିୟେତାଗ୍ ମିରିକାଡ଼୍
ନିୟାଦ୍ ପରିତ୍ରାଣ ବେଲାନ୍ ପୁରା ଆସ୍ ଅଦିନ୍ ତଡ଼୍ ୱାଡ଼୍କି ମିକା କାମ୍ ମାଡ଼ ଆନୁଟ୍, ନାନ୍ କୃତକାମ୍ ବା ସିଦ୍ଦ ଆଦ୍ପାର୍ତେ ଇଞ୍ଜ କେଲଡ଼୍ । ପୁରସ୍କାର୍ ଦର୍ସିକି ଆଦାନଙ୍କ୍ ମିରାନାଗେ ଲାଗେମ୍ । ସ୍ୱୟଂ କ୍ରିଷ୍ଟ ନାକିଂଙ୍କ୍ ପଇସ୍ ତାସ୍ ଇଗେ ୱାଟିତ୍ତନ୍ । ହୋ ଦାଦାନଡ଼ି ନୁ ହେଲାସ୍କ୍ ନାନ୍ ଇଞ୍ଜେ ଆଇନା ଆଦ୍ ପଡ଼ିୟେତାଗ୍ ଏୱନ୍ । ବାତେଙ୍କ୍ଇତ୍କେ ୱେରଡ଼୍ ପାଡ଼ିୟିଦାଗ୍ ନାନ୍ ବିନଷ୍ଟ ମାତ୍ତାନ୍; ପେର୍କେ ୱିଡ଼୍ସି ୱାସ୍ମାନ୍ଦାନ୍ ବିଷୟକିଙ୍କ୍ ମାର୍ଙ୍ଗି, ମୁନେମାନ୍ଦାନ୍ ବିଷୟକିଙ୍କ୍ ଦର୍ସିକି ଆଦାନ୍ ସେଙ୍ଗେ ସେନେକ୍ ମାନକଟ୍ ଆଲ୍ସି ମାଡ଼ୁତାନ୍ । ଆଦିଙ୍କ୍ କ୍ରିଷ୍ଟ ଜିସୁନ୍ ତୋଡ଼୍ତନ୍ ବେନ୍ ସ୍ୱର୍ଗିୟ ଜିୱୁନ୍ ଲାବ୍ ମାଡ଼ାନ୍ ସେଙ୍ଗେ ଇଶ୍ୱର୍ ନାକିଂଙ୍କ୍ କାର୍ଙ୍କ୍ ତନ୍ ଆଦ୍ ପୁରସ୍କାର୍ ସେଙ୍ଗେ କଣ୍ଡେ ୱାଟି ନାନ୍ ମେଲ୍ତା ପଡ଼ିୟେତାଗ୍ ମିର୍ତାନ୍ । ମାନାଗେ ବେନଡ଼୍ ଆଦ୍ୟାମିକ ଲେକାମ୍ ପରିପକ୍ୱ, ଅଡ଼ାଦ୍ ଇଦ୍ଲେକାମ୍ ମାନ୍ଏର୍କେ ମାନ୍ଦାନାଦ୍ ଲେକାମ୍ । ଯଦି ମିୟାଗେ ବେନନାଦ୍ ୱେରେ ଏର୍କେ ମାନ୍ତେ, ଇଶ୍ୱର୍ ମିକିଂଙ୍କ୍ ସାରେ ଗଟି ସ୍ପଷ୍ଟତେ କେସ୍ସିଦ୍ତନ୍ ।
କ୍ରିଷ୍ଟନ୍ ତଡ଼୍ କାଇଲ୍କେ, ନାରୁନାଦ୍ ପୁନେ ତିଆର୍ ଆଦ୍ତେ । ପାଃନ୍ତେ ବିଷୟସାରେ ମାଇ ଆଦ୍ତେ, ପୁନେତାଉ ତିଆର୍ ଆଦ୍ତେ ।
ୱେରଡ଼୍ ଜିୱେତେ ଆଶେ
ମାନ୍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍ ଇଦ୍ତମ୍, ବାତେଙ୍କ୍ଇତ୍କେ ଅଣ୍ଡ୍ ତାନ୍ ନାର୍ଗେ ଦୟାତେ ଜିସୁ କ୍ରିଷ୍ଟଙ୍କ୍ ଡଲ୍ତାଗାଙ୍କ୍ ତେସ୍ମିକା ମାନାଙ୍କ୍ ପୁନେଃ ଜିୱେ ଇତ୍ତନ୍ । ଇଦ୍ ମାନାଦ୍ ଜିୱେ ଆସେ ସାରେମାଡ଼୍ତନ୍ ।
ମାତର୍ ବେନଡ଼୍ ସଦାପ୍ରବୁଙ୍କ୍ କେପିତଡ଼୍, ଅଡ଼୍ ପୁଃନେ ପୁଃନେ ଶକ୍ତି ପାହେମ୍ ଆଦ୍ତଡ଼୍; ଅଡ଼୍ ପରୁ ଉଡ଼ାନ୍ ଗାଦ୍ ପିଟେ ଲେକାମ୍ ପରୁ ପାର୍ତିତଡ଼୍; ଅଡ଼୍ ଆୟ କଟ ମିରିତଡ଼୍; ଅଡ଼୍ ଆୟକଟ୍ ତାକିତଡ଼୍।
ମେଣ୍ଡେ ଇୱୁ ସାରେ ଗୁଣାମ୍ ତଡ଼୍ ପ୍ରେମତିଙ୍କ୍ କାଲ୍ପାଟ୍ । ପ୍ରେମ ସାରେ ବିଷୟତିଙ୍କ୍ ପୁରା ମାଡ଼ି ଅଣ୍ଡୟ୍ତାଗ୍ ମାଡ଼ିତ୍ । କ୍ରିଷ୍ଟ ଇତ୍ତେ ଶାନ୍ତି ମିୟାଦ୍ ଆଲ୍ସାନାଦିଙ୍କ୍ ଚାଲା ମାଡ଼ି; ବାତେଙ୍କ୍ଇତ୍କେ ଇଦ୍ ଶାନ୍ତି ସେଙ୍ଗେ ଇଶ୍ୱର୍ ମିକିଙ୍କ୍ ଅଣ୍ଡୟ୍ତାଗ୍ ଅଣ୍ଡୟ୍ ମେନ୍ଦୁଲ୍ ଆଦାନ୍ ସେଙ୍ଗେ କାର୍ଙ୍ଗିମିନ୍ଦେନ୍ । ସାରେଦାମ୍ ଦୟା ଆୟ୍ମୁଟ୍ ।
ଅଣ୍ଡ୍ ସାରେ ବିଷୟ୍ତିଙ୍କ୍ ତାନ୍ ସମୟ୍ତେ ସୁନ୍ଦର୍ ନେଃସ୍ ମିନ୍ଦେଣ୍ଡ୍; ମେଣ୍ଡେ ଅଣ୍ଡ୍ ଅଡ଼୍ ହୃଦୟତାଗେ ସାରେକାଲାମ୍ ଜାକ ନେଃସ୍ ମିନ୍ଦେଣ୍ଡ୍; ଆଗେକ୍ବା ପରମେଶ୍ୱର୍ ମୁନେକଞ୍ଚ୍ ତେର୍ନା ଜାକ ବେନ୍ ପାଡ଼ିୟ୍ ମାଡ଼ିମିନ୍ଦେଣ୍ଡ୍, ନାରୁଣ୍ଡ୍ ଆଦିଙ୍କ୍ ଚିନ୍ତେମାଡ଼୍ ପାର୍ୱଣ୍ଡ୍ ।
ମାନ ଦୁନିଆତା ବାବାଲଡ଼୍ କାଣ୍ଡକିନେ ବାତା ସାୟେତାଦ୍, ଆଦିନସାରେ ମାନାଙ୍କ୍ ଚୁଦୁର କାଲାମ ମାଇଦିଙ୍କ ଶାସନ ମାଡ଼ିତେ; କିନ୍ତୁ ମାନାଲ୍ ବେଲା ତାନ ପବିତ୍ରତାତେ କାୟିଲି ପାରଦିତାଲ, ଇଦ୍ ବିଷୟଦ୍ ମାୟିଦୀଙ୍କ ଦେଉଡ ମାନ ମଙ୍ଗଲତିଙ୍ଗ୍ ମାନାଙ୍କ୍ ଶାସନ କିତଣ୍ଡ୍ । ତିପାଲ ଦରକାନ୍ ଆସୁଟ ମାନ୍ନାଙ୍କ୍ ଆଦ୍ କାଷ୍ଟାମ୍ ଆଦାନ୍ ଲେକେମ୍ ମନେ ଆତା, ଆସ୍କେ ବା ସୁକାମତାଦ୍ ଆୟ କିନ୍ତୁ ଶାସ୍ତି ମାୟିଦୀଙ୍କ ଅଡ଼ାଦ୍ ଜୀୱା ସାୟେ ଆତ୍ତା, ଅଡ଼୍କ୍ ପେର୍କେ ଦରକାନ୍ ଦାର୍ମିକ୍ ଜୀୱାତ୍ ଲେକେତ୍ ପୁରସ୍କାର୍ ଦରକୀତର ।
ଗାଟି ଆଶେମାଡ଼ି କେତାନାଦ୍
ଇଞ୍ଜେ ଉଡ଼ାଟ୍, ବେନଡ଼୍ କେତୁତିଡ଼୍, ନେଣ୍ଡ୍ କି ନାଡ଼୍ ମାନାଡ଼୍ ଅଣ୍ଡୟ୍ ଟାଉନ୍ତାଗ୍ ଆଦ୍ତାଡ଼୍ ନୁ ଆଗେ ଅଣ୍ଡୟ୍ ଏଣ୍ଡ୍ ମାଞ୍ଜ୍ ବେପାର୍ ମାଡ଼ି ଗାଟି ଲାବ୍ ମାଡ଼ିତାଡ଼୍; ଇତ୍କେ ନାଡ଼୍ ବାତ୍ ଗଟେମ୍ ଆଦ୍ତେ, ଆଦ୍ ମିଡ଼୍ ପୁନ୍ୱିଡ଼୍ । ମିୟାଦ୍ ଜିୱୁଣ୍ଡ୍ ବାତ୍ ? ସେନେକ୍ତିଙ୍କ୍ ତନ୍ଦି ମେଣ୍ଡେ ତନ୍ଦି ଆସତ୍ ଗୁମାମ୍, ମିଡ଼୍ ତ ଆଦେଲେକେତଡ଼ି । ଆଦିଙ୍କ୍ ପ୍ରବୁନ୍ ମାନ୍ ଆତ୍କେ ମାନାଡ଼୍ ଜିୱେ ମାଞ୍ଜ୍ ଇଦ୍ ମାଡ଼ିତାଡ଼୍ ବା ଆଦ୍ ମାଡ଼ିତାଡ଼୍, ଇଦ୍ ରକମ୍ କେତାନାଦ୍ ମିକିଂଙ୍କ୍ ସାୟ୍ । ଇତ୍କେ ମିଡ଼୍ ଇଞ୍ଜେ ନିଜେତ୍ ଆଂକାର୍ ମାୟ୍ଦିଙ୍କ୍ ଗର୍ବ ମାଡ଼ୁତିଡ଼୍; ଇଦ୍ ରକମ୍ ଗର୍ବ ମାଡ଼ାନାଦ୍ ସାୟେ ଆୟ୍ୟ ।
ହେର୍କେ ମାଡ଼ାଟ୍ ବେନ ନାରୁଣ୍ଡ୍ ନିଜାତେ ପାଡ଼୍ୟି ମାଡ଼ାନଙ୍କ୍ ନାଡ଼୍ସି ଆଦ୍ ମାଡ଼କ୍, ଅଂକିଙ୍କ୍ ପାପ୍ ତାଲ୍ଗିତ୍ ।